جاڭادان قۇرىلعان ۇلىتاۋ وبلىسىندا ول Kazakhmys كورپوراتسياسى قۇرامىنا كىرەتىن ق. ساتبايەۆ اتىنداعى جەزقازعان تاۋ-كەن مەتاللۋرگيا كومبيناتىنىڭ ەڭبەك ۇجىمىمەن كەزدەستى. سونداي-اق، ول ەلىمىزدەگى ەڭ ءىرى سالالىق كاسىپوداقتاردىڭ ءبىرى - «كاسىپقورعان» مۇشەلەرىمەن كەزدەسۋ وتكىزدى. ۇيىمدا تاۋ-كەن مەتاللۋرگيا كاسىپورىندارى مەن ارالاس وندىرىستەردىڭ قىزمەتكەرلەرى تىركەلگەن.
ۇمىتكەر ءوزىنىڭ سايلاۋالدى باعدارلاماسىنىڭ نەگىزگى اسپەكتىلەرى تۋرالى اڭگىمەلەپ، كەيبىر تاراۋلار تۋرالى تولىعىراق توقتالادى.
ەستەرىڭىزگە سالا كەتەيىك، سايلاۋ الدىنداعى ۇگىت-ناسيحات 2022-جىلعى 21- قازاندا باستالدى جانە سايلاۋدان ءبىر كۇن بۇرىن، ياعني 19- قاراشادا اياقتالادى. 19- قاراشا - رەسپۋبليكا بويىنشا تىنىشتىق كۇنى. ال، 20- قاراشادا پرەزيدەنت سايلاۋى وتەدى.
ورتالىق سايلاۋ كوميسسياسى التى ادامدى پرەزيدەنتتىكتەن ۇمىتكەر رەتىندە تىركەدى. ولار - قازاقستان رەسپۋبليكاسىنىڭ قازىرگى پرەزيدەنتى قاسىم-جومارت توقايەۆ، «زاماناۋي قوعامدى زەرتتەۋ ينستيتۋتى» ج ش س ديرەكتورى مەيرام قاجىكەن، «قازاقستان فەرمەرلەر وداعى» قاۋىمداستىعىنىڭ پرەزيدەنتى جيگۋلي دايرابايەۆ، استانا قالاسى ءماسليحاتىنىڭ VI شاقىرىلىمىنىڭ دەپۋتاتى، استانا اكىمىنىڭ الەۋمەتتىك ماسەلەلەر جونىندەگى شتاتتان تىس كەڭەسشىسى قاراقات ابدەن، «وتباسىنداعى زورلىق-زومبىلىقسىز قازاقستان» جوباسىنىڭ نەگىزىن قالاۋشى سالتانات تۇرسىنبەكوۆا، جالپىۇلتتىق سوتسيال-دەموكراتيالىق پارتياسى استانا قالالىق فيليالىنىڭ ءتوراعاسى نۇرلان اۋەسبايەۆ.