بۇل تۋرالى قازاقپارات ۇكىمەتتىڭ باسپا ءسوز قىزمەتىنە سىلتەمە جاساپ حابارلايدى.
كەزدەسۋ بارىسىندا ءاليحان سمايىلوۆ وزبەكستان قازاقستاننىڭ ورتالىق ازيا وڭىرىندەگى نەگىزگى ساۋدا-ەكونوميكالىق ارىپتەسى بولىپ تابىلاتىنىن اتاپ ءوتتى. وتكەن جىلدىڭ قورىتىندىسى بويىنشا ەكىجاقتى تاۋار اينالىمى شامامەن 3 عا ءوستى. بيىل دا وڭ ديناميكا ساقتالىپ وتىر.
سونداي-اق، پرەمەر-مينيستر مەملەكەتتەر اراسىنداعى ەكونوميكالىق ىنتىماقتاستىقتى نىعايتۋعا قازاقستان-وزبەكستان ۇكىمەتارالىق كوميسسياسى مەن ءوڭىرارالىق ىنتىماقتاستىق فورۋمى ەلەۋلى ۇلەس قوسىپ وتىرعانىن ايتتى.
جامشيد حودجايەۆ اتاپ وتكەندەي، قازاقستان وزبەكستان ءۇشىن ستراتەگيالىق سەرىكتەس بولىپ تابىلادى، سوندىقتان ەل باسشىلىعى كەشەندى ءوزارا ءىس-قيمىلدى ودان ءارى نىعايتۋعا دايىن.
«كووپەراتسيا قارقىنىن ارتتىرۋىمىز كەرەك. ەگەر ستراتەگيالىق كووپەراتسيالىق جوبالارىمىز كوپ بولسا، بۇل بيزنەستى دامىتۋعا جانە ساۋداداعى كەدەرگىلەردى جويۋعا سەرپىن بەرەدى. جالپى، ءوزارا تاۋار اينالىمىن ۇلعايتۋ باعىتىندا جۇمىس ىستەۋگە دايىنبىز»، - دەدى جامشيد حودجايەۆ.