ءبىراق بۇل قانشالىقتى زاڭدى؟ قانداي جاعدايلاردا بانك جالاقىدان ۇستاپ قالۋعا نەمەسە جالاقى كارتاسىن بۇعاتتاۋعا قۇقىلى؟
زاڭگەر گۇلميرا باتىرحان قىزى وسى سۇراقتارعا جاۋاپ بەردى.
زاڭگەردىڭ ايتۋىنشا، بانك بورىشكەردىڭ جالاقىسىنان ۇستاپ قالۋعا قۇقىلى. ءبىراق ەش جاعدايدا الەۋمەتتىك كومەك، اليمەنت، بالالارعا بەرىلەتىن جاردەماقى سياقتى وتەماقىلاردى ۇستاپ قالا المايدى.
«كرەديت الۋ الدىندا مىندەتتى تۇردە بانك پەن بورىشكەر اراسىندا كەلىسىمشارت جاسالادى. وندا قارىزدىڭ ۋاقتىلى كەشىكتىرىلمەي تولەنۋ كەرەگى كورسەتىلەدى. الايدا بىرنەشە اي بويى نەسيە سەبەپسىزدەن تولەنبەسە نەمەسە كەشىكتىرىلە بەرسە، بانك بورىشكەرگە قاتىستى مالىمەتتى كوللەكتورلارعا بەرەدى. ال كوللەكتورلار ول ءىستى كوپ ۇزاتپاي سوتقا جولداۋى مۇمكىن. ەڭبەك كودەكسىنىڭ 115-بابىنا سايكەس سوت شەشىمى شىققان سوڭ عانا بانك قارىزدى جالاقىدان ۇستاي الادى. ءبىراق بانك بۇل تۋرالى مىندەتتى تۇردە جازباشا حابارلاندىرۋ جولداۋى قاجەت»، - دەپ ءتۇسىندىردى زاڭگەر.
ماماننىڭ ايتۋىنشا، بانك جالاقىدان كوپ بولسا 50 پايىز ۇستاپ قالا الادى. بۇل ەڭبەك كودەكسىندە كورسەتىلگەن دەيدى.
«بانك كارتاسىنداعى بارلىق اقشانىڭ كوپ بولسا 50 پايىزىن عانا ۇستاي الادى. ودان كوپ اقشا ۇستالعان جاعدايدا كليەنتتىڭ پروكۋراتۋراعا بانكتىڭ زاڭسىز ارەكەتىنە شاعىمدانىپ، ءوتىنىش قالدىرۋعا قۇقىعى بار. سونداي-اق، الەۋمەتتىك تولەمدەر، اليمەنت، جاردەماقى سياقتى اقشانى ۇستاپ قالۋعا ەش قۇقىعى جوق. بۇل زاڭعا قايشى»، - دەپ ەسكەرتەدى زاڭگەر.
ماماننىڭ ايتۋىنشا، قارجى ۇيىمى كرەديت تولەنبەسە، جالاقىنى ۇستاپ قالۋدان باسقا دا شارالاردى قولدانۋى مۇمكىن. مىسالى، ءۇيدى نەمەسە كولىكتى تارتىپ الۋى مۇمكىن.
ال كەي جاعدايدا، زاڭگەردىڭ ايتۋىنشا، كليەنتتەر وزدەرى-اق جالاقىسىنان بەلگىلى ءبىر سومانى ۇستاپ وتىرۋعا ءوتىنىش جازىپ، رۇقساتىن بەرىپ جاتادى.
massaget.kz