بۇل تۋرالى ەۋروپالىق كەڭەستىڭ پرەزيدەنتى شارل ميشەلمەن كەلىسسوزدەردەن كەيىنگى باسپا سوزگە ارنالعان مالىمدەمە بارىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«حالىقارالىق كولىك دالىزدەرىن دامىتۋدىڭ ماڭىزدىلىعىن اتاپ وتتىك. بۇل قازىرگى گەوساياسي جاعدايدا وتە وزەكتى ماسەلەلەردىڭ ءبىرى. سونداي-اق ەۋروپالىق وداقتىڭ ترانسكاسپي حالىقارالىق كولىك باعىتىن قولداۋ مۇمكىندىگىن قاراستىردىق. بۇدان بولەك، ەۋروپا سانكسيالارىنىڭ قازاقستان ەكونوميكاسىنا ىقپالىن بولدىرماۋ ماسەلەسىن تالقىلادىق»، - دەدى قاسىم-جومارت توقايەۆ.
ق ر پرەزيدەنتى دەموكراتيا، ادام قۇقىقتارى جانە زاڭ ۇستەمدىگىن ساقتاۋ سالاسىنداعى ديالوگتى ودان ارى كۇشەيتۋ ماسەلەلەرىنە دە توقتالعاندارىن اتاپ ءوتتى.
«پرەزيدەنت شارل ميشەل مەملەكەتىمىزدىڭ جاڭا دامۋ كەزەڭى - ادىلەتتى قازاقستان قۇرۋ جولىندا جۇزەگە اسىرىلىپ جاتقان اۋقىمدى رەفورمالارىمىزدى قولدايتىنىن جەتكىزدى. مەن دە ەۋروپالىق تاراپتىڭ ءتۇرلى باعدارلامالار اياسىندا ەلىمىزگە كورسەتىپ وتىرعان قولداۋى ءۇشىن العىسىمدى ءبىلدىردىم»، - دەدى مەملەكەت باسشىسى.