قىتايداعى جاھاندىق ءوسۋدىڭ باياۋلاۋى جانە كوروناۆيرۋسقا بايلانىستى شەكتەۋلەر رەتسەسسياعا اكەلۋى مۇمكىن. بۇل تۋرالى قازاقپارات مەنشىكتى ءتىلشىسى Reuters-كە سىلتەمە جاساپ حابارلايدى.
د ب ءوزىنىڭ سوڭعى ەسەبىندە Brent ماركالى مۇناي باررەلىنىڭ ورتاشا باعاسى 2023 -جىلى 92 دوللار، 2024 -جىلى 80 دوللار بولاتىنىن بولجاعان. ءبىراق بەس جىلدىق ورتاشا كورسەتكىش 60 دوللاردان ايتارلىقتاي اسىپ تۇسكەن.
ەسەپتە ەۋروپالىق وداقتىڭ رەسەي مۇناي- گاز ونىمدەرىنە ەمبارگوسىنا بايلانىستى رەسەي مۇنايىنىڭ ەكسپورتى 5-جەلتوقساندا كۇشىنە ەنەتىن ساقتاندىرۋ جانە جەتكىزۋ شەكتەۋلەرىمەن بىرگە كۇنىنە 2 ميلليون باررەلگە دەيىن قىسقارۋى مۇمكىن ەكەنى ايتىلعان.
«شيكىزات باعاسىنىڭ ءوسۋى مەن ۆاليۋتانىڭ تۇراقتى قۇنسىزدانۋىنىڭ ۇيلەسۋى كوپتەگەن ەلدەردە ينفلياتسيانىڭ جوعارىلاۋىنا الىپ كەلەدى»، - دەدى دۇنيەجۇزىلىك بانكتىڭ بولجاۋ توبىنىڭ باسشىسى ايحان كوسە.
بانك مالىمەتى بويىنشا، ەنەرگيا باعاسى تومەندەگەنىنە قاراماستان سوڭعى بەس جىلداعى ورتاشا دەڭگەيدەن % 75- عا جوعارى بولادى.
فوتو: REUTERS/Johannes P. Christo
اۆتور
اقبوپە ءابدراسۋل