باسپاءسوز قىزمەتىنىڭ حابارلاۋىنشا، 26- قازاندا بەينەكونفەرەنسيا فورماتىندا قۇرامىنا ارمەنيا، بەلارۋس، قازاقستان، قىرعىزستان، رەسەي جانە تاجىكستان كىرەتىن سىبايلاس جەمقورلىققا قارسى ءىس-قيمىل جونىندەگى مەملەكەتارالىق كەڭەستىڭ (بۇدان ءارى - كەڭەس، س ج ق ى م ا ك) 7-وتىرىسى ءوتتى.
س ج ق ى م ا ك ءوز قىزمەتىندە ت م د مەملەكەتتەرى باسشىلارىنىڭ كەڭەسىنە ەسەپ بەرەدى.
بيىل سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى ولجاس اباي ۇلى بەكتەنوۆتىڭ قازاقستان رەسپۋبليكاسىنىڭ اتىنان كەڭەسكە ءتوراعالىق ەتكەندىگىن اتاپ ءوتۋ قاجەت.
جىل بويى اگەنتتىك كەڭەسكە قاتىسۋشى ەلدەردىڭ قۇزىرەتتى ورگاندارىمەن جانە ت م د- نىڭ اتقارۋشى كوميتەتىمەن بىرلەسىپ، 2008 -جىلى ازىرلەنگەن تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ سىبايلاس جەمقورلىققا قارسى ءىس- قيمىلداعى ىنتىماقتاستىعى تۋرالى كەلىسىم جوباسىن مەملەكەتىشىلىك جانە مەملەكەتارالىق كەلىسۋ بويىنشا ۇلكەن جۇمىس جۇرگىزدى، ول بويىنشا كونسەنسۋسقا جانە ءوزارا قولايلى رەداكتسياعا قول جەتكىزىلدى.
2022 -جىلى 14- قازاندا استانادا ق ر پرەزيدەنتى قاسىم-جومارت توقايەۆتىڭ توراعالىعىمەن ت م د مەملەكەتتەرى باسشىلارى كەڭەسىنىڭ كەزەكتى وتىرىسى ءوتتى، ونىڭ شەڭبەرىندە مەملەكەت باسشىلارى اتالعان كەلىسىمگە قول قويدى، ونى كەڭەس قىزمەتىنىڭ قۇقىقتىق نەگىزى دەپ تانۋعا بولادى.
كەلىسىمنىڭ قولدانىلۋى قۇقىق بۇزۋشىلىقتارمەن كۇرەستە ىنتىماقتاستىقتىڭ تيىمدىلىگىن ارتتىرۋعا، سىبايلاس جەمقورلىققا قارسى ءىس- قيمىل سالاسىندا كەلىسىلگەن ساياساتتى ازىرلەۋگە جانە جۇرگىزۋگە ىقپال ەتەتىن بولادى.
اتاپ ايتقاندا:
سىبايلاس جەمقورلىق تۋرالى قىلمىستىق ىستەر بويىنشا جاردەم كورسەتىلەدى؛
سىبايلاس جەمقورلىق قىلمىستار بويىنشا ۇيلەستىرىلگەن جانە كەلىسىلگەن جەدەل-ىزدەستىرۋ، جەدەل-پروفيلاكتيكالىق ءىس- شارالار جانە ارنايى وپەراتسيالار جۇرگىزىلەدى؛
سىبايلاس جەمقورلىق قىلمىسىن جاساعان ادامداردى ىزدەستىرۋ، ۇستاۋ جانە ۇستاپ بەرۋ، سىبايلاس جەمقورلىقتان تۇسكەن كىرىستەردى قايتارۋ ىنتىماقتاسا جۇزەگە اسىرىلادى؛
سىبايلاس جەمقورلىققا قارسى ءىس-قيمىل سالاسىندا اقپاراتتىق جۇيەلەر قۇرىلادى جانە پايدالانىلادى؛
سىبايلاس جەمقورلىققا قارسى ءىس-قيمىل سالاسىنداعى ىنتىماقتاستىق ستراتەگيالارى، باعدارلامالارى مەن جوسپارلارى ازىرلەنەدى؛
سىبايلاس جەمقورلىققا قارسى مونيتورينگ ناتيجەلەرىمەن الماسۋ جۇزەگە اسىرىلادى؛
كادرلاردىڭ بىلىكتىلىگى ارتتىرىلادى جانە ت. ب. جۇزەگە اسىرىلادى.
س ج ق ى م ا ك وتىرىسى بارىسىندا تاراپتار سىبايلاس جەمقورلىققا قارسى ءىس-قيمىل سالاسىنداعى قاتىسۋشى مەملەكەتتەردىڭ تاجىريبەسىن قارادى، سونداي- اق زاڭسىز بايۋ جانە سىبايلاس جەمقورلىققا قارسى ورگاندار قىزمەتكەرلەرىنىڭ بىلىكتىلىگىن ارتتىرۋ تۋرالى قىلمىستاردى تەرگەۋ كەزىندە حالىقارالىق ىنتىماقتاستىقتىڭ تيىمدىلىگىن ارتتىرۋ ماسەلەلەرىن تالقىلادى.