تۇركىستان قالاسىنىڭ تۇرعىنى مەيىرجان مەن اقبوتانىڭ شاڭىراق كوتەرۋ تويى رەسپۋبليكا كۇنىمەن قاتار كەلدى. ۇلتتىق مەرەكەدە جاس وتباسىلاردىڭ ۇيلەنۋ تويىنا كەلگەن قوناقتار ەرەكشە جايتتىڭ كۋاسى بولدى. تويدىڭ اشىلۋ سالتاناتتىندا جينالعان كوپشىلىك قولدارىن جۇرەك تۇستارىنا قويىپ، ءانۇراندى ورىندادى. جەلىدە تاراعان ۆيدەودان قوس جۇپتىڭ ارتىندا ەكى جىگىتتىڭ مەملەكەتتىك تۋدى ۇستاپ تۇرعانىن كورۋگە بولادى. ال، ءبيشى قىزدار مەن توي يەلەرى كوپشىلىكپەن قوسىلىپ، ءانۇراندى شىرقادى. ودان سوڭ، سالتاناتتى تۇردەگى نەكە قيۋ ءراسىمىن جاساعان.
Facebook پاراقشاسىندا جاريالانعان جازباعا وقىرماندار «ءماسساعان، كەرەمەت، ەرەكشە ەكەن»، «قانداي كۇشتى! باقىتتى بولسىن!»، «وسى تويعا بارعىم كەلىپ كەتتى عوي» دەپ تاڭدانىستارىن ءبىلدىرىپ، قىزىعۋشىلىق تانىتقان. سونداي-اق، جاس جۇبايلارعا باقىت تىلەپ، العىستارىن ايتقان.
ايتا كەتەيىك، مەيىرجان سايفۋللايەۆ تۇركىستان وبلىستىق قوعامدىق دامۋ باسقارماسى «قوعامدىق كەلىسىم» ك م م-نىڭ قىزمەت اتقارادى.