نوبەل سىيلىعىنىڭ يەگەرلەرى ەلورداعا كەلە جاتىر
نوبەل فەستيۆالى - ەڭ ءىرى حالىقارالىق كوممەرتسيالىق ەمەس تەحنولوگيالىق جانە عىلىم- ءبىلىم بايقاۋى. ميسسيا Nobel Fest - جاھاندىق ءبىلىم مەن عىلىمدى الەمنىڭ كەز كەلگەن بۇرىشىندا قولجەتىمدى ەتۋ. وعان جىل سايىن 14 تەن استام نوبەل سىيلىعىنىڭ لاۋرەاتى، 14 «سەرپىلىس» سىيلىعىنىڭ يەگەرى، الەمدىك يننوۆاتورلار، 155 ەلدەن 500 ۋنيۆەرسيتەت جانە 500 مىڭنان استام ادام قاتىسادى.
26-قازان كۇنى فەستيۆال اياسىندا «استانا- تاشكەنت» تەلەكوپىرى وتەدى. تەلەكوپىر بارىسىندا ءبىلىم دەڭگەيى جوعارى جانە تومەن ەلدەردەگى الەۋمەتتىك- ەكونوميكالىق ايىرماشىلىقتار، سونداي- اق دامۋشى ەلدەردەگى ءبىلىم ساپاسىن جاقسارتۋ ماسەلەلەرىن تالقىلاۋ جوسپارلانۋدا.
بەسىنشى Nobel Fest ءبىر مەزگىلدە قازاق، اعىلشىن، تۇرىك، قىتاي، اراب، وزبەك جانە ورىس تىلدەرىندە 6 ستۋديادا - ءازىربايجان، گەرمانيا، تۇركيا، پاكىستان، قىتاي، وزبەكستان جانە قازاقستاندا وتەدى.
تەلەكوپىر جۇمىسىنا ق ر عىلىم جانە جوعارى ءبىلىم ءمينيسترى ساياسات نۇربەك، 2017 -جىلعى نوبەل سىيلىعىنىڭ لاۋرەاتى راە كۆونگ چۋنگ، CEO Nobel Fest نەگىزىن قالاۋشى ماقسات قۇربەنوۆ، جاستار اگەنتتىگىنىڭ (وزبەكستان) ديرەكتورى الىشەر سادۋللايەۆ، COMSTECH، يسلام ىنتىماقتاستىعى ۇيىمىنىڭ باس ۇيلەستىرۋشىسى دوكتور يكبال چوۋدحاري، Coca-Cola-نىڭ ەۋرازيا مەن تاياۋ شىعىستاعى ۆيتسە-پرەزيدەنتى كلاۋديا ناۆاررو قاتىسادى. سونىمەن قاتار ەلورداعا 2007 -جىلعى نوبەل سىيلىعىنىڭ لاۋرەاتى، بۇۇ باس حاتشىسىنىڭ كليماتتىڭ وزگەرۋى جونىندەگى كەڭەسشىسى راە كۆون چۋنگ كەلەدى.
«بۇل اۋقىمدى ءىس- شارا وفلاين فورماتتا ۇيىمداستىرىلماق. بەلگىلى سپيكەرلەر استانادا ءۇش كۇن بويى لەكتسيا وقيدى. تۇڭعىش رەت قازاقستاندا كليماتتىق ەكونوميكا ورتالىعىنىڭ اشىلۋى ماڭىزدى وقيعالاردىڭ ءبىرى بولماق. ورتالىق ءوز ەسىگىن م. اۋەزوۆ اتىنداعى وڭتۇستىك قازاقستان ۋنيۆەرسيتەتىندە اشادى»، - دەدى V نوبەل فەستيۆالى باعدارلاماسىنىڭ جەتەكشىسى جۇلدىز ادامزاتوۆا.
ايتا كەتۋ كەرەك، Nobel Fest اياسىندا 31-قازان مەن 4-قاراشا ارالىعىندا نوبەل دارىستەر اپتالىعى وتەدى. الەمنىڭ تۇكپىر- تۇكپىرىنەن كەلگەن نوبەل سىيلىعىنىڭ لاۋرەاتتارى جانە الەمدەگى ەڭ بەدەلدى ماراپاتتاردىڭ يەگەرلەرى ۋنيۆەرسيتەتتەر مەن ستۋدەنتتەر ءۇشىن ءدارىس وقيدى. دارىستەر Nobel Fest باس سەرىكتەستەرى - م. اۋەزوۆ اتىنداعى وڭتۇستىك قازاقستان ۋنيۆەرسيتەتى مەن س. سەيفۋللين اتىنداعى قازاق اگروتەحنيكالىق ۋنيۆەرسيتەتى ءۇشىن ارنايى ۇيىمداستىرىلادى.