«جۇرگىزۋشىلەر مەن جاياۋ جۇرگىنشىلەرگە اۋا رايىنىڭ ناشارلاۋىنا بايلانىستى جولداردا قيىن جاعداي تۋىنداۋى مۇمكىن ەكەنىن ەسكەرتەمىز. كولىك قۇرالىن باسقارۋ كۇردەلەنە تۇسەدى، ياعني اپات ىقتيمالدىعى ارتادى. قالا جولدارىندا جانە جەكەلەگەن ۋچاسكەلەرىندە، اتاپ ايتقاندا جول وتكەلدەرىندە، اينالما جولدا كورۋ مۇمكىندىگىنىڭ شەكتەلەتىنىن ەسكەرۋ قاجەت، كوكتايعاق بولۋى مۇمكىن. استانا - شۋچينسك باعىتى بويىنشا تاسجول اۋا رايىنا بايلانىستى جابىلاتىنىن حابارلايمىز. قۇرمەتتى جۇرگىزۋشىلەر، جول ەرەجەسىن ساقتاڭىزدار، جولدا وتە مۇقيات جانە ساق بولىڭىزدار. جىلدامدىق رەجيمىن، قاشىقتىقتى ساقتاپ، جول بەلگىلەرىنىڭ تالاپتارىن ورىنداۋ قاجەت. جاياۋ جۇرگىنشىلەر جولدان ءوتۋ كەزىندە كولىكتىڭ تەجەگىش مۇمكىندىگى ىلعالدى جانە تايعاق جولدا ۇلعاياتىنىن ەسكەرۋ قاجەت»، - دەپ اتاپ ءوتتى پوليتسيا.
ەسكە سالا كەتەيىك، بۇعان دەيىن اقمولا وبلىسىندا - 6، س ق و-دا - 3 جول ۋچاسكەسى جابىلعانىن حابارلاعان بولاتىنبىز.
اۋا رايىنىڭ قولايسىزدىعىنا بايلانىستى اقمولا وبلىسىندا ساعات 22:30-دان باستاپ 6 جول ۋچاسكەسىندە كولىك قوزعالىسى توقتاتىلدى.