قوستانايدا العاشقى قار جاۋدى

قوستاناي. قازاقپارات - قوستانايدا كۇزگى جاڭبىر قارعا ۇلاستى، دەپ حابارلايدى قازاقپارات ءتىلشىسى.

سينوپتيكتەردىڭ ايتۋىنا سايكەس، قوستانايدا قار جەكسەنبى، 23- قازاندا جاۋۋى ءتيىس ەدى، الايدا، اق ۇلپا قار اۋا رايى بولجامىنان ەرتەرەك ءتۇستى.

سەنبى مەن جەكسەنبى كۇندەرى وڭىردە جەل كۇشەيىپ، ەكپىنى سەكۋندىنا 23 مەترگە دەيىن جەتەدى. جاڭبىر جاۋىپ، جاياۋ بۇرقاسىن مەن كوكتايعاق كۇتىلۋدە. دۇيسەنبى 24- قازاندا كۇن اشىلادى دەپ بولجانىپ وتىر.

قوستانايلىقتار الەۋمەتتىك جەلىدە العاشقى قاردىڭ فوتوسى مەن ۆيدەوسىن سالىپ جاتىر.

بۇعان دەيىن قازاقستاننىڭ سولتۇستىك جانە شىعىس بولىگىنە قار جاۋاتىنىن حابارلاعان بولاتىنبىز.