سەميناردا نەگىزگى سپيكەرلەر رەتىندە ورتسايلاۋكوم مۇشەلەرى ءسابيلا مۇستافينا، اناستاسيا شەگورتسوۆا، ق ر و س ك اپپاراتىنىڭ بيۋجەتتى جوسپارلاۋ جانە ورىنداۋ ءبولىمىنىڭ مەڭگەرۋشىسى، «حالىق بانك» ا ق استانا قالاسى بويىنشا فيليالىنىڭ وكىلدەرى جانار راحيموۆا، جانيا دوسبايەۆا، سونداي-اق «استانا قالاسى اكىمى اپپاراتى» م م قارجى-شارۋاشىلىق ءبولىمىنىڭ باسشىسى ايناگۇل يكسان ءسوز سويلەدى.
سەمينار قاتىسۋشىلارىنا پرەزيدەنتتىككە كانديداتتاردىڭ ب ا ق- تا ءسوز سويلەۋىنە رەسپۋبليكالىق بيۋجەتتەن بولىنگەن قاراجات كولەمى مەن ءتارتىبى، كانديداتتىڭ سايلاۋ قورلارىن قۇرۋ، سايلاۋ قورىتىندىلارى بەلگىلەنگەننەن كەيىن قاراجاتتى پايدالانۋ تۋرالى ەسەپتەردى ۇسىنۋ، سونداي-اق كانديداتتاردىڭ بارلىق قارجى وپەراتسيالارى مەن پروتسەدۋرالارىن اشىق، ءادىل قامتاماسىز ەتۋ تۋرالى ماسەلەلەر تولىق ءتۇسىندىرىلدى.
سايلاۋالدى شتابتاردىڭ وكىلدەرى جاريالى سايلاۋالدى شارالاردى وتكىزۋ ارقىلى كانديداتتاردىڭ سايلاۋالدى ۇگىتتى جۇرگىزۋ، ونىڭ ىشىندە ب ا ق ارقىلى، باسپا، اۋديوۆيزۋالدى جانە باسقا دا ۇگىت ماتەريالدارىن شىعارۋ جانە تاراتۋدىڭ قۇقىقتىق شارتتارىمەن تانىستى.
كانديداتتاردىڭ سايلاۋالدى شتابتارىنىڭ وكىلدەرى تاراپىنان سايلاۋ ناۋقانى اياسىندا قويىلعان بارلىق سۇراقتارىنا سەميناردىڭ سپيكەرلەرى تولىق جاۋاپ بەردى.
ورتالىق سايلاۋ كوميسسياسى كەلەسى سەمينارى 2022-جىلعى 27- قازاندا ۇ ە ۇ اكادەمياسىنىڭ الاڭىندا وتەتىن سايلاۋدى ۇلتتىق بايقاۋدى جۇزەگە اسىرۋ ماسەلەلەرى بويىنشا ساياسي پارتيالاردىڭ، وزگە دە قوعامدىق بىرلەستىكتەردىڭ جانە كوممەرتسيالىق ەمەس ۇيىمداردىڭ وكىلدەرىنە جوسپارلانعان.