«2022 -جىلعى 13-قازاندا ۇ ق ك شەكارا قىزمەتى الماتى قالاسىنىڭ پروكۋراتۋراسىمەن بىرگە قازاقستان اۋماعى ارقىلى اۋعانستان ازاماتتارىن زاڭسىز وتكىزۋ ارناسىنىڭ جولىن كەستى.
ۇ ق ك شەكارا قىزمەتى «بوران» ارنايى بولىمشەسىن جۇمىلدىرا وتىرىپ وتكىزگەن جەدەل-ىزدەستىرۋ ءىس-شارالارى بارىسىندا ورتالىق ازيا ەلدەرىنىڭ ءبىرىنىڭ جالعان ءتولقۇجاتىن ۇسىنعان شەتەلدىك ازاماتتى 1,5 مىڭ ا ق ش دوللارى سوماسىنداعى اقشانى الۋ كەزىندە ۇستادى.
ءتىنتۋ بارىسىندا قازاقستاندىق بىرنەشە ۇيىمنىڭ مورلەرى، اۋعانستاننىڭ 20 ءتولقۇجاتى، تۋۋ تۋرالى كۋالىكتەر مەن ق ر ازاماتتىعى مەن ەلدە تۇرۋعا ىقتيار حات الۋعا، تىركەلۋگە جانە ەلدە بولۋ مەرزىمىن ۇزارتۋعا نەگىز بولاتىن باسقا دا قۇجاتتار الىندى»، - دەلىنگەن حابارلامادا.
اتالعان فاكتى قىلمىستىق بەلگىلەرى بويىنشا سوتقا دەيىنگى تەرگەپ-تەكسەرۋلەردىڭ ءبىرىڭعاي تىزىلىمىنە ق ر قىلمىستىق كودەكسىنىڭ 394-بابى 1-بولىگى (زاڭسىز كوشى-قوندى ۇيىمداستىرۋ) بويىنشا تىركەلدى.
ۇستالعان كۇدىكتى الماتى قالاسى پوليتسيا دەپارتامەنتىنىڭ ۋاقىتشا ۇستاۋ يزولياتورىنا قامالدى.