ۇلتتىق كونكۋرستىڭ جەڭىمپازدارىن سالتاناتتى تۇردە ماراپاتتاۋ شاراسى «قازاقستان» ورتالىق كونسەرت زالىندا ءوتتى.
جانۇيا قۇندىلىقتارىنىڭ ءرولىن ارتتىرىپ، وتباسى مەن نەكەنىڭ وڭ يميدجىن دارىپتەيتىن اۋقىمدى دا ماڭىزدى كونكۋرسقا 2014 -جىلدان بەرى 20 مىڭنان استام وتباسى قاتىستى.
ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتوراعاسى ايدا بالايەۆا سالتاناتتى شارانىڭ اشىلۋى بارىسىندا بايقاۋ جەڭىمپازدارىنا مەملەكەت باسشىسىنىڭ قۇتتىقتاۋىن وقىپ بەردى.
«جىل سايىن وتكىزىلەتىن بايقاۋ شاڭىراعى شاتتىققا بولەنىپ، بەرەكەلى بىرلىك پەن تاتۋلىققا ۇيىعان ونەگەلى وتباسىلاردى كۇللى ەلگە تانىتتى. مۇنداي ۇلگىلى اۋلەتتەر ەلىمىزدە وتە كوپ.
حالقىمىز قاي زاماندا دا وتباسى داستۇرلەرىن بەرىك ۇستانىپ، قادىرلەي بىلگەن. ۇلكەنگە قۇرمەت، كىشىگە ىزەت كورسەتۋ - ءبىزدىڭ قانىمىزعا سىڭگەن قاسيەت.
ءاربىر ازاماتتىڭ ادامگەرشىلىك بولمىسىنىڭ قالىپاتسۋىنا وتباسىنداعى احۋال ايرىقشا ىقپال ەتەدى. اكە- شەشەسىنىڭ اتا- اجەنىڭ تاربيەسىن كورىپ، ۇلكەندەردەن تاعلىم الىپ وسكەن بالا ەسەيگەندە وتانشىل، ءبىلىمپاز، ەڭبەكقور ازاماتقا اينالادى» - دەلىنگەن پرەزيدەنت قۇتتىقتاۋىندا.
بيىل بايقاۋعا 2542 وتباسى قاتىستى. ولاردىڭ جارتىسىنان استامى (c,4) - اۋىل تۇرعىندارى. سونداي-اق 1166 سى كوپبالالى، 501 ى جاس وتباسى (ەرلى-زايىپتىنىڭ ەكەۋى دە 29 جاسقا تولماعان) قاتىستى.
ءتۇرلى كاسىپ پەن ەڭبەك اۋلەتتەرىنىڭ، سپورت جانە شىعارماشىلىق جانۇيا وكىلدەرىنەن قۇرالعان 20 وتباسى - ءوڭىر جەڭىمپازدارى اتاندى.
بارلىق وتباسىنىڭ ءاربىر مۇشەسى - اۋىلداستارىنىڭ، قالا تۇرعىندارىنىڭ، ارىپتەستەرىنىڭ، كورشى- قولاڭنىڭ قۇرمەتىنە بولەنگەن، وتانىنا ادال قىزمەت ەتىپ جۇرگەن ەڭبەك ادامى، اۋىلدىڭ، قالانىڭ قاراپايىم ەڭبەككەرلەرى.
لاۋرەات وتباسىلار ديپلومدارمەن جانە ەستەلىك سىيلىقتارمەن ماراپاتتالدى.