بۇل تۋرالى ق ر ورتالىق سايلاۋ كوميسسياسىنىڭ وتىرىسىندا ءمالىم بولدى، دەپ حابارلايدى قازاقپارات ءتىلشىسى.
«11- قاراشادا ءبىز «حابار» تەلەارناسىندا پرەزيدەنتتىككە كانديداتتاردىڭ قاتىسۋىمەن تەلەۆيزيالىق دەبات وتكىزۋدى جوسپارلاپ وتىرمىز. كانديداتتار مەن ولاردىڭ شتابتارىنىڭ تولىق دايىندالۋ مۇمكىندىگى بولۋى ءۇشىن ءبىز بۇل تۋرالى ەرتەرەك، سايلاۋالدى ۇگىت-ناسيحات باستالعان ساتتە جاريالاپ وتىرمىز»، - دەدى ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ.
سونىمەن بىرگە، و س ك مۇشەسى اناستاسيا شەگورتسوۆا تۇسىندىرگەندەي، پرەزيدەنتتىككە كانديداتتار سايلاۋ الدىنداعى پىكىرتالاستارعا قاتىسۋعا قۇقىلى.
«سايلاۋالدى پىكىرتالاستاردى وتكىزۋ ءتارتىبى مەن شارتتارىن ورتالىق سايلاۋ كوميسسياسى ايقىندايدى»، - دەدى و س ك مۇشەسى.
ايتا كەتەيىك، بۇگىن ساعات 18:00 دە پرەزيدەنتتىككە ۇمىتكەرلەردىڭ سايلاۋالدى ۇگىت-ناسيحات ناۋقانى باستالدى.