ساتبايەۆ تۇرعىنىن اتىپ كەتتى دەگەن كۇدىكپەن تاعى بىرنەشە ادام ۇستالدى
قىلمىس 18- قازاندا بولعان ەدى. ساتبايەۆ قالاسىنىڭ تۇرعىنىن ولتىرۋگە وقتالۋمەن ۇشتاسقان بۇزاقىلىق فاكتىسىنەن كەيىن ق ر ءى ءى م- دە تەرگەۋ-جەدەل توبى قۇرىلىپ، كومەك كورسەتۋ ءۇشىن ۇلىتاۋ وڭىرىنە جىبەرىلگەن.
«قابىلدانعان شارالاردىڭ ناتيجەسىندە اتالعان قىلمىستى جاسادى دەگەن كۇدىكپەن 5 ادام ۇستالىپ، ۋاقىتشا ۇستاۋ يزولياتورىنا قاماۋعا الىندى. جانجالدىڭ سەبەپتەرى انىقتالدى، قىلمىس قۇرالى تاركىلەندى»، - دەلىنگەن پوليتسيا حابارلاماسىندا.
ءمالىم ەتىلگەندەي، قازىر ساتبايەۆ قالاسىندا «قۇقىقتىق ءتارتىپ» جەدەل-پروفيلاكتيكالىق ءىس-شاراسى ءوتىپ جاتىر.
«ونىڭ شەڭبەرىندە قوعامدىق ورىنداردا جانە كوشەلەردە قۇقىق بۇزۋشىلىقتار مەن قىلمىستاردىڭ الدىن الۋ جانە جولىن كەسۋ بويىنشا جۇمىس جانداندىرىلدى، ويىن-ساۋىق مەكەمەلەرىنىڭ ماڭىندا جانە ازاماتتاردىڭ كوپ جينالاتىن باسقا دا ورىندارىندا پاترۋلدەۋ ۇيىمداستىرىلدى.
بۇدان بولەك، اتىس قارۋىنا يە تۇرعىندار تەكسەرىلدى. ونى ساقتاۋ شارتتارىن بۇزۋدىڭ 23 فاكتىسى انىقتالدى. ناتيجەسىندە 23 اتىس قارۋى تاركىلەنىپ، ولاردىڭ يەلەرى اكىمشىلىك جاۋاپكەرشىلىككە تارتىلدى»، - دەلىنگەن ۇسىنىلعان اقپاراتتا.
سونىمەن قاتار قالادا اۆتوجولداردى پاترۋلدەۋ كۇشەيتىلدى.
ەسكە سالايىق، قىلمىس 18- قازان كۇنى تال تۇستە ساتبايەۆ قالاسىنىڭ ورتالىعىندا ورنالاسقان «Ulytau mall» ساۋدا ءۇيىنىڭ الدىندا بولدى. سالدارىنان ءبىر ادام وق جانە پىشاق جاراقاتتارىمەن اۋرۋحاناعا ءتۇستى. كۇدىكتى رەتىندە 2 ادام ۇستالعان بولاتىن. دارىگەرلەر اۋرۋحاناعا جەتكىزىلگەن 24 جاستاعى جىگىتتىڭ جاعدايىن ايتتى.