ورتالىق سايلاۋ كوميسسياسى جاڭابايەۆتى پرەزيدەنتتىككە كانديداتۋراسىن تىركەۋدەن باس تارتتى

استانا. قازاقپارات - ورتالىق سايلاۋ كوميسسياسى پرەزيدەنتتىككە باقىت جاڭابايەۆتىڭ كانديداتۋراسىن تىركەۋدەن باس تارتتى، دەپ حابارلايدى قازاقپارات ءتىلشىسى.

«اۋماقتىق سايلاۋ كوميسسيالارىنىڭ حاتتامالارىنا سايكەس، قولداۋعا 58889 قول جينالدى، تەكسەرۋ ناتيجەلەرى بويىنشا 4054 قول تانىلدى. بۇل سايلاۋشىلاردىڭ جالپى سانىنىڭ %1 دان ازىن قۇرايدى. وسىلايشا، «سايلاۋ تۋرالى» كونستيتۋتسيالىق زاڭنىڭ 56-بابى 2-تارماعىنىڭ كانديداتتى قولداۋعا سايلاۋشىلار قولىنىڭ قاجەتتى سانى تۋرالى تالابى ورىندالمادى»، - دەدى ورتالىق سايلاۋ كوميسسياسىنىڭ مۇشەسى ءسابيلا مۇستافينا وتىرىس بارىسىندا.

ەسكە سالايىق، باقىت جاڭابايەۆ ۇمىتكەرلەردى تىركەۋدىڭ سوڭعى ساتىندە قۇجات تاپسىرعان بولاتىن. ونىڭ كانديداتۋراسىن «قازاقستان اۋەسقوي فۋتبولشىلارىنىڭ» قوعامدىق بىرلەستىگى ۇسىنعان.