تۇركى مەملەكەتتەرىنە ورتاق ءبىرتۇتاس ءالىپبي جاسالادى

استانا. قازاقپارات - ءتىل بىرلىگى مەن تۇركى مەملەكەتتەرىنىڭ ورتاق الىپبيگە كوشۋ پروتسەسىن جەدەلدەتۋ ماقساتىندا ءبىرتۇتاس ءالىپبي جاساۋ جونىندەگى كوميسسيا قۇرىلدى.

كوميسسيانىڭ ءبىرىنشى وتىرىسى قىرعىزستاندا وتەدى، دەپ حابارلايدى قازاقپارات انادولى اگەنتتىگىنە سىلتەمە جاساپ.

ءبىرىڭعاي ءالىپبي كوميسسياسىن قۇرۋ جونىندەگى شەشىم تۇركيانىڭ بۋرسا قالاسىندا وتكەن ءتىل كۇنىنىڭ 90 جىلدىعىنا ارنالعان «تۇركى الەمىنىڭ جالپى ءالىپبيى بويىنشا سەميناردا» تۇركى مەملەكەتتەرى ءۇيىمىنىڭ قاراۋىنا ۇسىنىلدى.

سەمينار تۇرىك ءتىلى قوعامىنىڭ (TDK) باسشىسى گيۋرەر گيۋلسيەۆيننىڭ توراعالىعىمەن ءوتتى.

وعان ت م ۇ اقساقالدار كەڭەسىنىڭ باسشىسى، تۇركيانىڭ ادىلەت جانە دامۋ پارتياسى ءتوراعاسىنىڭ ورىنباسارى بينالي يىلدىرىم قاتىستى.

كوميسسيا قۇرامىنا تۇركى مەملەكەتتەرىندەگى ءتىل ساياساتى ماسەلەسىمەن اينالىساتىن ءار رەسمي قۇرىلىمنان ەكى مۇشەدەن كىرەدى.