قاۋزايتىن تاقىرىپ سان سالانى قامتيدى. سونىڭ ءبىرى قىتاي ديپلوماتياسىنىڭ ەرەكشەلىكتەرى. سيەزد جابىق تۇردە ءوتىپ جاتىر. دەگەنمەن، دەلەگاتتار اقپارات قۇرالدارى وكىلدەرىمەن كۇنىگە كەزدەسەدى. بۇل جولى قىتاي ديپلوماتياسىنىڭ ەرەكشەلىكتەرى تۋرالى ايتتى.
شي جينپيڭ بيلىككە كەلگەلى ەلدە قىتايلىق ەرەكشەلىكتەرى بار سوتسياليزمنىڭ جاڭا ءداۋىرى جاريالاندى. وسى كەزەڭنىڭ ديپلوماتياسى جان- جاقتى، كوپ دەڭگەيلى جانە ءۇش ولشەمدى دەپ سيپاتتالادى. ماسەلەن رەسەيمەن جاڭا داۋىردە جان- جاقتى قامتىلعان سەرىكتەستىك پەن ستراتەگيالىق ءوزارا ارەكەتتەسۋ قۇرۋ كوزدەلگەن. ا ق ش- قا قاتىستى ءوزارا سىيلاستىق، بەيبىت، قاتار ءومىر ءسۇرۋ جانە ەكى جاققا ءتيىمدى ساۋدا قاعيداتتارى جاريالاندى. ال دامۋشى ەلدەرمەن ىنتىماق نىعايا ءتۇستى.
ما جاوسيۋي، ق ح ر سىرتقى ىستەر ءمينيسترىنىڭ ورىنباسارى:
- ءبىز ۇلتتىق نامىسىمىز بەن باستى مۇددەلەرىمىزدى تاباندى تۇردە قورعاپ، جاۋىنگەرلىك رۋحىمىزدى ساقتاپ قالدىق. ارانداتپاق بولعان شەتەل دەلەگاتسيالارىمەن كۇرەستىك، بارلىق سەپاراتيستتىك قيمىلدارعا قارسى شىعىپ، سىرتقى كۇشتەردىڭ ارالاسۋىن توقتاتتىق.
قىتاي ديپلوماتى كورشىلەس ەلدەرگە قاتىستى ستراتەگيانىڭ كۇشەيگەنىن ەرەكشە اتاپ كەتتى. ولارعا قازاقستان دا جاتادى. جالپى شي جينپيڭ ۇسىنعان سىرتقى ساياسي تۇجىرىمداما ءوزارا تۇسىنىستىك پەن ديالوگ نەگىزىندە سەرىكتەستىك قارىم- قاتىناس ورناتۋ جانە قاۋىپسىزدىكتىڭ ءادىل ۇلگىسىن قۇرۋدى قاراستىرىپ وتىر.
ما جاوسيۋي، ق ح ر سىرتقى ىستەر ءمينيسترىنىڭ ورىنباسارى:
- باس حاتشى شي جينپيڭنىڭ «ءبىر بەلدەۋ، ءبىر جول» باستاماسى ىنتىماقتىڭ تانىمال پلاتفورماسىنا اينالدى. جاھاندىق دامۋ مەن قاۋىپسىزدىككە باعىتتالعان باستامالارى بۇكىل الەمدەگى بەيبىتشىلىككە جاڭا سەرپىن بەردى. قىتاي ب ۇ ۇ ۇيىتقى بولعان حالىقارالىق جۇيەنى قولداپ وتىر.
ديپلومات ءوز سوزىندە قىتاي ازاماتتارىن تەز ارادا ۋكراينا اۋماعىنان كەتۋگە شاقىردى. ونىڭ ايتۋىنشا، ۋكراينادان بەس مىڭنان اسا قىتايلىق شىعارىلعان.
www.24.kz