بۇل تۋرالى قازاقستان رەسپۋبليكاسىنىڭ ۋكرايناداعى توتەنشە جانە وكىلەتتى ەلشىسى دارحان كالەتايەۆ وسى ەلدەگى قازاق دياسپوراسىنىڭ جەتەكشىسى دانيار ەگەمبەرديەۆپەن كەزدەسۋدە ايتتى، دەپ حابارلايدى قازاقپارات.
كەزدەسۋدە دانيار ەگەمبەرديەۆ ەلشىگە ۋكرايناداعى قازاق دياسپوراسى مۇشەلەرىنىڭ تۇرمىس-تىرشىلىگى تۋرالى ايتىپ بەرگەن. سونداي-اق ول قازاق دياسپورا وكىلدەرى قازاقستاندا بولىپ جاتقان ساياسي پروتسەستەردى بەلسەندى تۇردە تالقىلاپ، ولارعا قولداۋ بىلدىرەتىنىن اتاپ ءوتتى.
«ءوز كەزەگىندە ەلشى ۋكرايناداعى قازىرگى جاعدايعا بايلانىستى ەلشىلىك قازاق دياسپوراسىنىڭ وكىلدەرىنە بارلىق قاجەتتى كومەكتى كورسەتۋگە دايىن ەكەنىن ايتتى»، - دەلىنگەن حابارلامادا.
ءمالىم ەتىلگەندەي، قازاق دياسپورا مۇشەلەرى اپتاسىنا 1 رەت تۇراقتى تۇردە قارۋلى قاقتىعىستاردان زارداپ شەككەن قالالاردىڭ تۇرعىندارىنا قايىرىمدىلىق ءىس-شاراسىن وتكىزىپ تۇرادى.