ءبىراق ونىڭ پايداسى تەك وسىمەن شەكتەلمەيدى. كۇندەلىكتى راتسيونعا سارىمساق قوسۋدىڭ نەگىزگى سەبەپتەرىن ۇسىنامىز.
سيرەك تۇماۋراتاسىز
سارىمساقتا الليتسين دەگەن زات بار: ول سارىمساققا وزىنە ءتان ءيىس بەرەدى. بۇل زاتتىڭ ۆيرۋستارعا قارسى قاسيەتى كوپتەگەن زەرتتەۋلەرمەن دالەلدەنگەن. سونداي-اق ول يممۋندى جۇيەنى قاتايتادى. سارىمساقتى كۇنىنە قانشا جەۋ ءاربىر ادامنىڭ اسقورىتۋ جۇيەسى ەرەكشەلىكتەرىنە بايلانىستى. جالپى كۇنىنە 1-2 سارىمساق جەۋ جەتكىلىكتى. سارىمساقتى ۇساقتاعاندا الليتسين كوپ مولشەردە بولىنەدى. سوندىقتان ودان بارىنشا پايدا الۋ ءۇشىن ونى ەزىپ، ۇساقتاپ العان دۇرىس.
اۋىز قۋىسى جاعدايى جاقسارادى
كۇنىنە ءبىر سارىمساق جەۋ ارقىلى ءتىس ەتى قابىنۋ اۋرۋلارىنىڭ دامۋ قاۋپىن ازايتاسىز. سەبەبى ونىڭ قۇرامىندا فيتونتسيدتەر بار، ال ولار كۇشتى باكتەريتسيدتى اسەرگە يە.
اللەرگيا ءجيى مازالامايتىن بولادى
سارىمساقتاعى ەتيلاتسەتات اللەرگەندەردىڭ ەنۋىنە جاۋاپ رەتىندە تۇزىلەتىن گيستامين اقۋىزدارىنىڭ ءبولىنۋىن ازايتادى. سوندىقتان اللەرگياعا بەيىم ادامدارعا كۇندەلىكتى راتسيونىنا سارىمساق قوسۋ پايدالى.
جاس كورىنەسىز
سارىمساقتاعى الليتسين - كۇشتى تابيعي انتيوكسيدانت. راتسيونداعى انتيوكسيدانتتاردىڭ جەتكىلىكتى مولشەرى تەرىڭىزدىڭ تەگىستىگى مەن يىلگىشتىگىن ساقتاۋعا مۇمكىندىك بەرەدى.
باۋىردىڭ جۇمىسىن جەڭىلدەتەسىز
بۇل ورگان ۋىتسىزداندىرۋ پروتسەسىندە ماڭىزدى ءرول اتقارادى. باۋىردا ءتۇرلى زياندى زاتتار زيانسىزداندىرىلادى: اۋىر مەتالدار، كسەنوبيوتيكتەر جانە ت. ب. سارىمساقتا باۋىردىڭ تازارتۋعا قاتىساتىن فەرمەنتتەرىنىڭ ءتۇزىلۋىن ارتتىراتىن زاتتار بار.