بۇل تۋرالى BBC حابارلادى.
جاڭالىقتى ەۋروپا پارلامەنتىنىڭ پرەزيدەنتى روبەرت مەتسولا ايتتى.
ول ۋكراينداردىڭ توعىز ايدان بەرى باسقىنشى جاۋدان ءوز وتانىن عانا ەمەس، سونىمەن بىرگە بۇكىل ەۋروپانى جانقيارلىق ەرلىكپەن قورعاپ جاتقانىن اتاپ كورسەتتى.
اكادەميك اندرەي ساحاروۆ اتىنداعى سىيلىقتى ەۋروپا پارلامەنتى 1988-جىلى تاعايىندادى. ول كۇللى جەر بەتىندە ادام قۇقىعىن قورعاۋ جونىندەگى كۇرەسكە ايتارلىقتاي ۇلەس قوسقان تۇلعاعا بەرىلەدى.
بيىلعى سىيلىق 14 - جەلتوقسان كۇنى فرانسيانىڭ ستراسبۋرگ قالاسىنداعى ەۋروپا پارلامەنتىندە تاپسىرىلادى.