استانا: ايتىس، بايگە، روزا رىمبايەۆانىڭ، 2rar، Yenlik جانە قايرات نۇرتاستىڭ كونسەرتى
«بيىل رەسپۋبليكا كۇنى مەرەكەسىنە وراي 100-دەن استام مەرەكەلىك شارا وتكىزۋدى جوسپارلادىق. ونىڭ باسىم بولىگى - مادەني- بۇقارالىق شارالار. ماسەلەن، 25-قازان كۇنى 8 ۇلكەن كونسەرت وتەدى. تەاتر ساحنالارىندا تاقىرىپقا ساي قويىلىمدار قويىلادى. ەڭ اۋقىمدى مادەني شارا - ەكسپو اۋماعىنداعى كونسەرتتىك باعدارلاما بولماق. وندا تانىمال شىعارماشىلىق ۇجىمدار، انشىلەر، انسامبلدەر ونەر كورسەتەدى»، - دەدى د. بابامۇراتوۆ قازاقستان حالقى اسسامبلەياسىندا وتكەن عىلىمي- پراكتيكالىق كونفەرەنسيادا تىلشىلەرگە بەرگەن سۇحباتىندا .
ونىڭ ايتۋىنشا، 25-قازان كۇنى ەلوردا يپپودرومىندا الامان بايگە مەن ات جارىسى وتەدى.
«ودان بولەك، جارىس تۇرىندەگى 20-دان استام سپورتتىق شارالار دا جوسپاردا بار. بارلىق ءبىلىم بەرۋ وشاقتارىندا، مەكتەپتەر مەن جوعارى وقۋ ورىندارىندا رەسپۋبليكا كۇنىنە ارنالعان دوڭگەلەك ۇستەلدەر مەن كونفەرەنسيالار وتەدى. مۇنىڭ ءبارى جاس ۇرپاققا رەسپۋبليكا كۇنىنىڭ ماڭىزىن تۇسىنۋگە ىقپال ەتەدى»، - دەدى داۋرەن بابامۇراتوۆ.
بيىل مەملەكەتتىك سىيلىق لاۋرەاتتارىن ماراپاتتاۋ رەسپۋبليكا كۇنى قارساڭىندا وتەدى.
مادەنيەت جانە سپورت مينيسترلىگىنىڭ مالىمەتى بويىنشا، قازاقستاندا رەسپۋبليكا كۇنىن اتاپ وتۋگە بەلسەندى دايىندىق ءجۇرىپ جاتىر.
17-21-قازان ارالىعىندا قازاق ۇلتتىق ونەر ۋنيۆەرسيتەتىندە XXV حالىقارالىق «شابىت» شىعارماشىلىق جاستار بايقاۋى ءوتىپ جاتىر.
ال، 18-قازاندا باستالعان قاليبەك قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ قابىرعاسىندا قازاقستان دراما تەاترلارىنىڭ رەسپۋبليكالىق فەستيۆالى 23-قازاندا مارەسىنە جەتەدى.
21-قازاندا «بوزوق» ۇلتتىق ساياباعىنىڭ اۋماعىندا ەجەلگى بوزوق قالاشىعىن قايتا قۇرۋدىڭ باستالعانى تۋرالى تاريحي ەسكە الۋ كاپسۋلاسىن سالۋ ءراسىمى وتەدى.
21-قازاندا كۇلاش بايسەيىتوۆا اتىنداعى دارىندى بالالارعا ارنالعان رەسپۋبليكالىق ورتا مامانداندىرىلعان مۋزىكا مەكتەپ- ينتەرناتىنىڭ ۇيىمداستىرۋىمەن «رەسپۋبليكا كۇنىنە ارناۋ» كونسەرتى بولادى.
21-قازاندا ءابىلحان قاستەيەۆ اتىنداعى ق ر مەملەكەتتىك ونەر مۋزەيى «قازاقستان - بالالار كوزىمەن» اتتى كورمە وتكىزەدى.
22-قازاندا الماتىداعى ورتالىق مەملەكەتتىك مۋزەيدە «تاۋەلسىز قازاقستان» زالى رەەكسپوزيتسياسىنىڭ تۇساۋكەسەرى ۇيىمداستىرىلادى.
24-قازاندا ۇلتتىق اكادەميالىق كىتاپحانادا «مەنىڭ رەسپۋبليكام» اقىندار سايىسى وتەدى.
سونداي-اق، 24-قازاندا اباي وبلىسىندا ورنالاسقان «جيدەباي- ءبورىلى» ابايدىڭ مەملەكەتتىك تاريحي- مادەني جانە ادەبي- مەموريالدىق قورىق مۇراجايى «رەسپۋبليكا كۇنى - ۇلتتىق مەرەكە» اتتى كىتاپ كورمەسىن ۇيىمداستىرادى.
25-قازاندا «استانا وپەرا» مەملەكەتتىك وپەرا جانە بالەت تەاترىنىڭ كامەرالىق زالىندا «قازاقستان كامەراتاسى» كلاسسيكالىق مۋزىكا انسامبلى ۇيىمداستىرعان «مەرەكەلىك شاشۋ» كونسەرتى وتەدى.
25-قازاندا جامبىل اتىنداعى قازاق مەملەكەتتىك فيلارمونياسىنىڭ قولداۋىمەن «ونەرىمىز ساعان، قازاقستان!» كونسەرتى بولادى.
سونداي-اق، 25-قازاندا ۇلتتىق مۋزەيدە «ۇلتتىڭ ۇلى ۇستىندارى» رەسپۋبليكالىق شىعارماشىلىق بايقاۋى وتەدى.
سونىمەن قاتار، 25-قازاندا بەيبىتشىلىك جانە كەلىسىم سارايىندا 2rar ،Yenlik جانە قايرات نۇرتاس كونسەرتى بەرەدى.
سول سياقتى 25-قازاندا قاليبەك قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا «بايان سۇلۋ - قوزى كورپەش» سپەكتاكلى كورسەتىلەدى.
ال، «قازاقستان» ورتالىق كونسەرت زالىندا روزا رىمبايەۆا كونسەرت بەرەدى.
26-28-قازان ارالىعىندا « ۇلىتاۋ» تاريحي- مادەني جانە تابيعي مۋزەي- قورىعىندا «التىن وردانىڭ تاريحي- مادەني مۇراسى» اتتى حالىقارالىق عىلىمي- پراكتيكالىق كونفەرەنسيا وتەدى.
الماتى: وتشاشۋ، مارافون، ۇلتتىق ويىندار فەستيۆالى
21-قازان كۇنى ساعات 11:00-دە قازاقستان-بريتان تەحنيكالىق ۋنيۆەرسيتەتىندە رەسپۋبليكا كۇنىنە ارنالعان عىلىمي- پراكتيكالىق كونفەرەنسيا وتەدى.
22-قازان كۇنى ساعات 12:00-دە قازاقستان- بريتان تەحنيكالىق ۋنيۆەرسيتەتىندە مەملەكەتتىك جانە ۆەدومستۆولىق ناگرادالار، العىس حاتتار سالتاناتتى تۇردە تاپسىرىلادى.
22-قازان كۇنى ساعات 17:00-دە رەسپۋبليكا سارايىندا قازاقستاندىق ەسترادا جۇلدىزدارىنىڭ قاتىسۋىمەن سالتاناتتى كونسەرت وتەدى.
23-قازان كۇنى ساعات 7:00-دەن 13:00-گە دەيىن Charity Music Nur جاپپاي قايىرىمدىلىق جارىسى وتەدى. جارىس تۇڭعىش پرەزيدەنت ساياباعىنان باستالادى. قاتىسۋشىلاردىڭ جوسپارلانعان سانى - 1700-2000 ادام. جارىس كەلەسى قاشىقتىقتاردا وتكىزىلەدى: بالالار جارىسى (2 ك م - 7-14 جاس)، سكانديناۆيالىق سەرۋەندەۋ (10,5 ك م)، 10,5 ك م جۇگىرۋ جانە 21 ك م. قاتىسۋشىلاردىڭ جيىنى ساعات 6:00 دەپ بەلگىلەنگەن.
25-قازان كۇنى ساعات 10.00-دە «مەدەۋ» كەشەنىنىڭ الدىنداعى الاڭدا مەملەكەتتىك تۋ سالتاناتتى تۇردە كوتەرىلىپ، ءانۇران ورىندالادى.
ىلە- شالا ستۋدەنتتەردىڭ «قىران ەلىم - قازاقستان» فلەشموبى وتەدى.
25-قازان كۇنى ساعات 10:00-دە «ۇلتتىق دالا ويىندارى» رەسپۋبليكالىق ۇلتتىق سپورت تۇرلەرىنىڭ فەستيۆالى وتەدى. ورنى - وماروۆ كوشەسى، 10ا مەكەنجايداعى الماتى يپپودرومى.
25-قازان كۇنى ساعات 17:00-دە قازاقستاندىق ەسترادا جۇلدىزدارىنىڭ قاتىسۋىمەن «استانا» الاڭىندا مەرەكەلىك كونسەرت وتەدى.
كونسەرتتەن كەيىن مەرەكەلىك ساليۋت بولادى.
شىمكەنت: سپەكتاكل، كونفەرەنسيا
26-27-قازان كۇندەرى ساعات 18:30-دا جۇمات شانين اتىنداعى شىمكەنت قالالىق قازاق اكادەميالىق دراما تەاترىندا سايا قاسىمبەكتىڭ «اتجالمان عاسىر» دراماسى قويىلادى.
28-قازاندا ءال-فارابي اتىنداعى شىمكەنت قالالىق عىلىمي- امبەباپ كىتاپحاناسىندا ء«ال- فارابي مۇراسى - وركەنيەت قازىناسى» اتتى رەسپۋبليكالىق كونفەرەنسيا ۇيىمداستىرىلادى.
اباي وبلىسى: جارمەڭكە، كونسەرت، قونىستوي
اباي وبلىسىندا رەسپۋبليكا كۇنىنە وراي 200-دەن استام شارا جوسپارلانعان.
ونىڭ ىشىندە سالتاناتتى جانە مادەني- بۇقارالىق ءىس- شارالار وتكىزۋ كوزدەلىپ وتىر. مەرەكە كۇنى وبلىستىڭ ورتالىق الاڭدارىندا، ساياباقتارى مەن سكۆەرلەرىندە جاپپاي جارمەڭكەلەر، كورمەلەر، مەرەكەلىك كونسەرتتەر ۇيىمداستىرىلادى.
ءبىرقاتار نىسان اشىلىپ جانە جاڭا پاتەر يەلەرىنە باسپانا كىلتتەرى تابىستالماق.
اتىراۋ وبلىسى: جۇمىس ورىندارى جارمەڭكەسى
اتىراۋدا رەسپۋبليكا كۇنىنە وراي «بوس جۇمىس ورىندارىنىڭ» جارمەڭكەسى وتەدى. جالپىقالالىق جارمەڭكەگە ءىرى كاسىپورىندار مەن مەملەكەتتىك مەكەمەلەر دە شاقىرتۋ العان. شارا 21-قازان كۇنى ساعات 10:00 - 13:00 ارالىعىندا «APEC» بازاسىندا وتەدى.
سونداي-اق، اقىنداردىڭ رەسپۋبليكالىق ايتىسى ءوتتى. «ەگەمەندىگىم - ەرەن ەلدىگىم» اتتى رەسپۋبليكالىق ايتىسقا شىعىس قازاقستان، باتىس قازاقستان، اباي، پاۆلودار، قوستاناي، قىزىلوردا، جامبىل، اقتوبە، اتىراۋ وبلىستارى مەن استانا قالاسىنان 16 اقىن قاتىستى.
قاراعاندى وبلىسى: ءانۇران حورمەن شىرقالادى
22-قازاندا ساكەن سەيفۋللين اتىنداعى قازاق دراما تەاترىندا مەرەكەلىك كونسەرت پەن سالتاناتتى جيىن وتەدى.
25-قازاندا جاڭا مايقۇدىق، «مولودەجنىي» جانە تەمىرجولشىلار مادەنيەت ۇيلەرىندە «مەنىڭ قازاقستانىم» كونسەرتتىك باعدارلاماسى وتەدى.
رەسپۋبليكا كۇنى وبلىس تۇرعىندارى «قىران ەلىم - قازاقستانىم» جالپىۇلتتىق پاتريوتتىق اكسياسى اياسىندا ەلىمىزدىڭ ءانۇرانىن ورىندايدى.
قىزىلوردا وبلىسى: جاڭا ساياباق اشىلادى
قىزىلوردا وبىلسىندا رەسپۋبليكا كۇنىنە تارتۋ رەتىندە جاڭاقورعان اۋدانىندا جاڭا دەمالىس پاركى ەل يگىلىگىنە بەرىلدى.
ال، ارال قالاسىندا رەسپۋبليكا كۇنى مەن ارال قالاسىنىڭ 95 جىلدىعىنا جانە اقىن ءابىلحان ماحانوۆتىڭ 100 جىلدىعىنا وراي رەسپۋبليكالىق اقىندار ايتىسى ءوتتى.
ماڭعىستاۋ وبلىسى: جىرشىلار بايقاۋى، ءامين تۇياقوۆ مارافونى
ماڭعىستاۋ وبلىسىندا رەسپۋبليكا كۇنىنە وراي 50-گە جۋىق شارا وتەدى. اتاپ ايتقاندا، كورمە، جارمەڭكە، مەرەكەلىك كونسەرت، سپورتتىق شارا، بايقاۋ، قايىرىمدىلىق- ەكولوگيالىق اكسيالار مەن پاتريوتتىق ءىس- شارالاردى وتكىزۋ جوسپارلانعان.
وڭىردە «قىران ەلىم - قازاقستانىم!» پاتريوتتىق جالپىۇلتتىق اكسياسى ۇيىمداستىرىلىپ جاتىر.
سونداي-اق، 20-قازان كۇنى ساعات 15:00-دە «دوستىق» ۇيىندە «جىرلانسىن ەل بىرلىگى» رەسپۋبليكالىق جىرشىلار فەستيۆالى وتەدى. فەستيۆالعا ەلىمىزدىڭ 5 جىر مەكتەبىنەن، ياعني ماڭعىستاۋ، سىر بويى، باتىس قازاقستان، جەتىسۋ، ارقا جىراۋلىق مەكتەبىنەن بارلىعى 15 جىرشى قاتىسادى.
ال، 25-قازان تەڭىز جاعالاۋىندا ءامين تۇياقوۆتىڭ 85 جىلدىعىنا ارنالعان مارافون ۇيىمداستىرىلىپ، مارافون سوڭى ماڭعىستاۋ ونەر جۇلدىزدارىنىڭ كونسەرتىنە ۇلاسادى.
سونىمەن قاتار، ءا. كەكىلبايەۆ اتىنداعى وبلىستىق تاريحي- ولكەتانۋ مۋزەيىنىڭ تاريح زالىنىڭ اشىلۋى، وتپان تاريحي- مادەني كەشەنىندە «ەگەمەن ەلدىڭ ەرتەڭى - ەرەن ەردەي ەڭسەلى!» رەسپۋبليكا كۇنى مەن كەشەننىڭ اشىلعان كۇنىنە وراي مەرەكەلىك شارا، فوتوكورمە، ن. ءجانتورين اتىنداعى وبلىستىق مۋزىكالىق- دراما تەاترىندا ت. دوسىموۆ «بيىكتىك» سپەكتاكلى، وبلىستىق فيلارمونيادا «ەلىم مەنىڭ» اتتى مەرەكەلىك كونسەرتى سياقتى شارالار وتپەك.
پاۆلودار وبلىسى: قايىرىمدىلىق، جارمەڭكە، فەستيۆال
پاۆلودار وبلىسىندا «قامقورلىق» ايلىعى اياسىندا الەۋمەتتىك جاعىنان ءالسىز توپتاعى ازاماتتاردى قولداۋ ماقساتىندا «جاناشىر جۇرەك» اكسياسى ءوتىپ جاتىر.
دەمالىس كۇندەرى اۋىل شارۋاشىلىعى جارمەڭكەسى، «تازا تابيعات» اتتى ەكولوگيالىق اكسيالار، جۇمىسسىز ادامداردى جۇمىسپەن قامتۋ ءۇشىن بوس ورىندار جارمەڭكەسى وتەدى.
21-قازان كۇنى جىل سايىنعى «تاۋەلسىزدىك ۇرپاقتارى» پرەمياسى تابىستالادى.
25-قازاندا ق ح ا ەتنومادەني بىرلەستىكتەرىنىڭ جاستارى اراسىندا «ونەرىمىز ساعان، قازاقستان!» پاتريوتتىق اندەر فەستيۆالى ۇيىمداستىرىلماق.
جالپى، وڭىردە رەسپۋبليكا كۇنىنە وراي بارلىعى 300-دەن استام ءىس- شارا وتكىزۋ جوسپارلانعان.
س ق و: ەكولوگيالىق اكسيا، «Ninety Onە» كونسەرتى
سولتۇستىك قازاقستان وبلىسىندا مەرەكە قارساڭىندا «جاناشىر جۇرەك» رەسپۋبليكالىق اكسياسى ءوتىپ جاتىر.
مەرەكەگە وراي كىتاپحانالاردا ءتۇرلى كورمە، دوڭگەلەك ۇستەلدەر ۇيىمداستىرىلادى. تەاترلاردا تاقىرىپتىق قويىلىمدار جوسپارلانعان. ماسەلەن، ءسابيت مۇقانوۆ اتىنداعى قازاق سازدى-دراما تەاترىندا «ەلىم-اي» سپەكتاكلى كورەرمەنگە جول تارتادى. ساۋدا- ويىن-ساۋىق ورتالىقتارى كونسەرتتەر، مەرەكەلىك باعدارلامالار وتكىزەدى.
قازاقستان حالقى اسسامبلەياسىنىڭ باستاماسىمەن ءوڭىردىڭ ءتۇرلى ەتنوس وكىلدەرى اراسىندا پاتريوتتىق ءىس- شارالار، «جاڭا قازاقستان. تازا تابيعات» ەگيداسى اياسىندا جاپپاي ەكولوگيالىق اكسيالار ۇيىمداستىرادى.
24-25-قازاندا «Qyzyljar - شەبەرلەر مەكەنى» حالىقارالىق قولونەرشىلەر فەستيۆالى جوسپارلانعان.
پەتروپاۆلدا حالىقتىق مەرەكە 24-قازان كۇنى ورتالىق الاڭدا اقان سەرى اتىنداعى وبلىستىق فيلارمونيا ارتىستەرىنىڭ كونسەرتىمەن باستالادى، ال 25-قازان كۇنى «Ninety Onە» توبىنىڭ قاتىسۋىمەن «قىران ەلىم - قازاقستانىم!» مەرەكەلىك كونسەرتى وتەدى.
تۇركىستان وبلىسى: الەۋمەتتىك نىساندار اشىلادى
مەرەكە كۇنى وبلىس بويىنشا 7430 ورىنعا ارنالعان 7 جاڭا مەكتەپ جانە سپورت كەشەنى سياقتى ماڭىزدى نىساندار حالىق يگىلىگى ءۇشىن پايدالانۋعا بەرىلمەك. بۇدان بولەك، جاڭا اللەيالار اشىلىپ، تۇرعىن ۇيلەر بەرىلەدى، ءبىرقاتار اۋىلدىق وكرۋگىندە تازا اۋىزسۋ جانە تابيعي گاز ىسكە قوسىلادى.
22-قازان كۇنى «جاسا، جاينا، قازاقستان!» سالتاناتتى ءىس- شاراسى ۇيىمداستىرىلماق.
21-23-قازان كۇندەرى «اسقاقتاي بەر، ايبىندى قازاقستان!» اپتالىعى وتسە، «فاراب» امبەباپ عىلىمي كىتاپحاناسىندا 25-قازان كۇنى «رەسپۋبليكا كۇنى - ۇلتتىق مەرەكە» اتتى مەرەكەلىك ءىس- شاراسى جانە كىتاپ كورمەسى بولادى.
22-25-قازان كۇندەرى وبلىس كولەمىندەگى ورتالىقتاندىرىلعان كىتاپحانالار جۇيەسىندە مەرەكەلىك كەشتەر، تاريحي ساعاتتار مەن كەڭەيتىلگەن كىتاپ كورمەلەرى وتەدى، تەاترلاردا ءتۇرلى قويىلىمدار ۇسىنىلادى.
23-قازان كۇنى ساعات 18:00-دە Karavansaray Turkistan كەشەنىندە The spirit of Turkistan زاماناۋي ەتنيكالىق مۋزىكا فەستيۆالى بولادى.
وبلىستىق مۋزەيلەردە 22-25-قازان ارالىعىندا مەرەكەلىك كورمەلەر، لەكسيالار، فوتوكورمەلەر، تانىمدىق اقپاراتتىق كەشتەر وتەدى.
ۇلىتاۋ وبلىسى: قازاق كۇرەسى، تەرمەشىلەر بايقاۋى، قونىستوي
ۇلىتاۋ وڭىرىندە رەسپۋبليكا كۇنىنە ارنالعان ءىس-شارالار جەلىسى-قازان ايىنىڭ العاشقى كۇندەرىنەن باستالدى. مىسالى، قازاقستاندى جاياۋ ارالاعان سارسەنباي قوتىراشيەۆكە قۇرمەت كورسەتىلىپ، پاتەر تابىس ەتىلدى، ساتبايەۆ قالاسىندا جاستار تەاترىنىڭ تۇساۋى كەسىلدى. قازىرگى كۇنى «قىران ەلىم - قازاقستان» تاقىرىبىنداعى پاتريوتتىق اكسيا بارلىق دەڭگەيدە ءوتىپ جاتىر. اكسيا اياسىندا الەۋمەتتىك جەلىلەردە ءۇش ءتۇرلى باعىتتا كونكۋرستار ۇيىمداستىرىلدى:
1. پاتريوتتىق ولەڭدەر وقۋ
2. وقۋشىلار اراسىندا كوركەم سۋرەت سالۋدان بايقاۋ
3. مەرەكەگە ارنالعان ەرەكشە بەينەقۇتتىقتاۋلار كونكۋرسى.
رەسپۋبليكا كۇنىنە وراي جاپپاي ەكولوگيالىق اكسياسى اياسىندا سەنبىلىكتەر، اباتتاندىرۋ جۇمىستارى ءوتىپ جاتىر.
مەرەكە اياسىندا جاڭاارقا اۋدانىندا 36 پاتەرلى ءۇيدىڭ كىلتى جانە ۇلىتاۋ اۋدانىندا 8 پاتەرلىك 2 ءۇيدىڭ كىلتى تابىستالادى. وسىلايشا، مەرەكە قارسانىڭدا الەۋمەتتىك وسال توپتاعى 52 وتباسى باسپانالى بولادى.
20-22-قازان ارالىعىندا «اسار جولى» قايىرىمدىلىق تۋرى جەزقازعان قالاسى مەن ۇلىتاۋ اۋدانىندا وتكىزىلەدى. بۇل شارا 21-قازاندا ۇلىتاۋ اۋدانىندا جالعاسادى.
21-قازان ساتبايەۆ قالاسىندا رەسپۋبليكا كۇنى اياسىندا شىنبولات دىلدەبايەۆتىڭ 85 -جىلدىعىنا ارنالعان وبلىستىق جىرشى-تەرمەشىلەر بايقاۋى وتەدى.
25-27-قازان ارالىعىندا جەزقازعان قالاسىندا رەسپۋبليكا دەڭگەيىندە ق. شىڭعىسوۆتى ەسكە الۋعا ارنالعان قازاق كۇرەسىنەن تۋرنير وتكىزۋ جوسپارلانعان.
ءبىلىم باسقارماسى تاراپىنان «پەداگوگ. سەنىم. دامۋ» تاقىرىبىندا جاس پەداگوگتەرگە ارنالعان فورۋم ۇيىمداستىرىلادى.
جاستار اراسىندا «مەن تۋىمدى ماقتان تۇتامىن» پاتريوتتىق اۆتوشەرۋى، «كوك تۋىمدى بەينەلەيمىن» سۋرەت سالۋدان چەللەندجدەر، فلەشموبتار مەن اكسيالار وتپەك.
ش ق و: سپەكتاكل، كونسەرت، اكسيالار
مەرەكە اياسىندا شىعىس قازاقستاندا 500-دەن استام ءتۇرلى ءىس-شارالار وتەدى. ءوڭىر تۇرعىندارى «تازا تابيعات» ەكولوگيالىق اكسياسىنا، پاتريوتتىق چەللەندجگە، «ونەرىمىز ساعان، قازاقستان!» ەتنومادەني بىرلەستىكتەردىڭ شاراسىنا قاتىسادى.
شىعىس قازاقستان دراما تەاترىندا ءتۇرلى سپەكتاكلدەر، ال «ەرتىس كونسەرتىندە» مەرەكەلىك كونسەرتتەر ۇسىنىلادى.
25-قازاندا قالانىڭ ورتالىق الاڭىندا سالتاناتتى كونسەرت وتەدى.