ايتا كەتەيىك، پارلامەنت ماجىلىسىندە «2023 - 2025 -جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسى زاڭىنىڭ جوباسى قارالىپ جاتىر.
«رەسپۋبليكالىق بيۋدجەت پەن ۇلتتىق قوردىڭ جوسپارلى جىلدارعا ارنالعان پارامەترلەرىن قالىپتاستىرۋ كەزىندە مەملەكەت باسشىسىنىڭ ۇنەمدى جانە جاۋاپتى بيۋدجەت ساياساتى تۇجىرىمداماسىن قامتاماسىز ەتۋ بويىنشا قويعان مىندەتتەرى ورىندالدى. 2023-2025 -جىلدارعا ارنالعان رەسپۋبليكالىق بيۋدجەت پارامەترلەرى بيۋدجەت ساياساتىنىڭ كىرىس بازاسىن تولىقتىرۋدىڭ جاڭا كوزدەرىن جيناقتاۋ جانە بيۋدجەت شىعىستارىن الەۋمەتتىك- ەكونوميكالىق دامۋدىڭ باسىم باعىتتارىنا شوعىرلاندىرۋ باعدارىن ەسكەرە وتىرىپ جاسالدى»، - دەدى ۇلتتىق ەكونوميكا ءمينيسترى ءماجىلىستىڭ جالپى وتىرىسىندا.
ونىڭ بولجاۋىنشا، رەسپۋبليكالىق بيۋدجەت كىرىستەرى 2023 -جىلى بيىلعى ناقتىلانعان جوسپارىنان % 37- عا ارتادى.
رەسپۋبليكالىق بيۋدجەتكە قوسىمشا تۇسىمدەر كىرىس بازاسىن كەڭەيتۋ جانە سالىقتىق اكىمشىلەندىرۋدى جاقسارتۋ، سونداي- اق كولەڭكەلى ەكونوميكانىڭ ۇلەسىن ازايتۋ بويىنشا ۇكىمەت قابىلداپ جاتقان شارالار ەسەبىنەن قامتاماسىز ەتىلەدى.
«ال رەسپۋبليكالىق بيۋدجەت شىعىستارى 2023 -جىلعى 21 تريلليون تەڭگەدەن 2025 -جىلى 22,7 تريلليون تەڭگەگە دەيىن بىرتىندەپ ۇلعايادى دەپ بولجانىپ وتىر. جالپى ىشكى ونىمگە قاتىستى ولاردىڭ 2023 –جىلى % 17,4- دان 2024-2025 –جىلدارى % 16- عا دەيىن تومەندەۋى بولجانادى»، - دەدى مينيستر.
بۇعان دەيىن ۇلتتىق ەكونوميكا ءمينيسترى 2027 -جىلعا دەيىنگى مۇناي باعاسى، ينفلياتسيا، ەكسپورت باعالارى مەن جالپى ىشكى ءونىم كولەمىنە بولجامدارىن ايتقان ەدى.
اۆتور
ايجان سەرىكجان قىزى