«ەلشىلىكتى تولىقتاي كوشىرۋ ماسەلەسى قاراستىرىلىپ جاتقان جوق. بىرىنشىدەن، ۋكرايناداعى قازىرگى جاعدايدا ءبىزدىڭ ديپلومات قىزمەتكەرلەرىمىزدىڭ ءومىرى مەن قاۋىپسىزدىگى ماڭىزدى. سوندىقتان، قىزمەتكەرلەردى باسقا جەرگە كوشىرۋ ماسەلەسى ەسكەرىلىپ وتىر»، - دەدى م. تىلەۋبەردى سەناتتا تىلشىلەر ساۋالىنا جاۋاپ بەرە وتىرىپ.
ونىڭ ايتۋىنشا، ديپلوماتتاردىڭ نەگىزگى بولىگى ۆارشاۆاعا اۋىستىرىلعان.
«ولار سول جەردەن ءوز قىزمەتتەرىن اتقارىپ جاتىر. سونىمەن بىرگە، كيەۆتە ءبىزدىڭ كونسۋل قالدى. ول كۇن سايىن ۋكرايناداعى ازاماتتارىمىزدى قابىلداپ وتىر. ەل ازاماتتارى ءتۇرلى ماسەلە بويىنشا كومەك سۇراپ كەلىپ جاتىر. ەلشىلىكتى تولىقتاي كوشىرۋ نەمەسە ۋاقىتشا جابۋ ماسەلەسى قارالىپ وتىرعان جوق»، - دەدى مينيستر.
اۆتور
رۋسلان عابباسوۆ