«جەتىسۋدان شىققان ازاماتتار تاۋەلسىزدىك كەزەڭىندە ەلىمىزدى دامىتۋعا زور ۇلەس قوستى. سونىڭ ىشىندە بەلگىلى جۋرناليست، قوعام قايراتكەرى بەيسەن قۇرانبەكتى بارشاڭىز جاقسى بىلەسىزدەر. ونىڭ ازىرلەگەن حابارلارى كورەرمەننىڭ ىستىق ىقىلاسىنا بولەندى. بەيسەن قۇرانبەك جەتىسۋ تەلەارناسىندا ءبىراز جىل تابىستى قىزمەت اتقاردى. ونىڭ ازاماتتىعى، ۇلتجاندىلىعى جانە وتانشىلدىعى، ەڭبەكقورلىعى قالىڭ جۇرتقا تانىمال. وكىنىشكە قاراي، دارىندى ازامات ورتامىزدان ەرتە كەتتى. مەن تالدىقورعانداعى جۋرناليستەر ۇيىنە بەيسەن قۇرانبەكتىڭ ەسىمىن بەرۋ تۋرالى ۇسىنىس ايتىلىپ جۇرگەنىن بىلەمىن. بۇل - جەتىسۋ جۇرتشىلىعىنىڭ، سونداي-اق بارشا جۋرناليستەر قاۋىمىنىڭ، قالىڭ كورەرمەننىڭ جانە جالپى حالىقتىڭ قالاۋى. سوندىقتان، باستامانى قولداۋ قاجەت دەپ سانايمىن»، - دەدى جەتىسۋ حالقىمەن كەزدەسۋدە قاسىم-جومارت توقايەۆ.
11:35, 20 قازان 2022
جۋرناليستەر ۇيىنە بەيسەن قۇرانبەكتىڭ ەسىمىن بەرۋ باستاماسىن قولداۋ قاجەت - توقايەۆ
تالدىقورعان. قازاقپارات - قازاقستان پرەزيدەنتى جەتىسۋ جەرىنەن شىققان ازاماتتاردىڭ ەڭبەگىنە ءوز باعاسىن بەردى، دەپ حابارلايدى قازاقپارات.