بۇل تۋرالى بۇگىن ماجىلىستە ءتيىستى زاڭ جوباسىن تانىستىرعان ق ر ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ ايتتى، دەپ حابارلايدى قازاقپارات ءتىلشىسى.
«نورما جازاسىن وتەپ جاتقان ادامدارعا اۋىر اۋرۋلارى بولعان كەزدە ادامگەرشىلىكپەن قاراۋعا باعىتتالعان. قىلمىستىق- پروتسەستىك كودەكسىنىڭ 471-بابىنا سوتتالعاندى بوساتۋ نەمەسە جازانىڭ وتەلمەگەن بولىگىن اۋرۋىنا بايلانىستى جازانىڭ نەعۇرلىم جەڭىل تۇرىمەن اۋىستىرۋ تۋرالى سوت قاۋلىسىن دەرەۋ ورىنداۋدى كوزدەيتىن تولىقتىرۋ ەنگىزۋ ۇسىنىلادى»، - دەدى ول.
ونىڭ ايتۋىنشا، بۇگىندە ءارتۇرلى اۋىر سىرقاتتارمەن اۋىراتىن سوتتالعاندارعا ارنالعان ماتەريالدار قىلمىستىق- اتقارۋ جۇيەسى دەپارتامەنتىنىڭ ارنايى مەديتسينالىق كوميسسياسىنىڭ قورىتىندىسىنان كەيىن سوتقا ۇسىنىلادى. بۇل رەتتە ولاردى سوتتا قاراۋ جانە قاۋلىنىڭ زاڭدى كۇشىنە ەنۋى بەلگىلى ءبىر ۋاقىتتى الادى. ماسەلەن، 2015 -جىلدان باستاپ 2022 -جىلعا دەيىن 441 ناۋقاس سوتتالعانداردىڭ 75 ءى سوتتاردىڭ ماتەريالداردى قاراۋىنا دەيىن ءومىر سۇرمەگەن. ال 31 ءى سوت قاۋلىسى زاڭدى كۇشىنە ەنگەنگە دەيىن قايتىس بولعان.
«وسىعان بايلانىستى سوتتالعانداردى ولاردا اۋىر سىرقاتتار بولعان جاعدايدا تىكەلەي سوت زالىنان بوساتۋ ۇسىنىلادى»، - دەدى مارات قوجايەۆ.