پەداگوگتەرگە ارنالعان تەست قۇنى قىمبات پا - مينيسترلىك جاۋابى
ۇلتتىق بىلىكتىلىك تەستىلەۋدىڭ تولىق كۋرسى 40 مىڭ تەڭگەنى قۇرايتىنى تۋرالى اقپارات شىندىققا جاناسپايدى. ۇلتتىق بىلىكتىلىك تەستىلەۋىن وتكىزۋ راسىمىنە قويىلاتىن تالاپتاردى قايتا قاراۋعا قاتىستى سىزدەردىڭ ۇسىنىستارىڭىز نازارعا الىندى»، - دەلىنگەن ق ر وقۋ-اعارتۋ ءمينيسترىنىڭ مىندەتىن اتقارۋشى شولپان كارينوۆانىڭ ءماجىلىس دەپۋتاتتارىنىڭ ساۋالىنا بەرگەن جاۋابىندا.
ونىڭ اتاپ وتۋىنشە، قازىرگى ۋاقىتتا تەستىلەۋ وبلىس ورتالىقتارىندا جانە رەسپۋبليكالىق ماڭىزى بار قالالاردا ورنالاسقان «U- FUTURE « جاۋاپكەرشىلىگى شەكتەۋلى سەرىكتەستىگىنىڭ 43 وڭىرلىك تەستىلەۋ ورتالىقتارىنىڭ بازاسىندا وتكىزىلەدى.
«پەداگوگتەر ءۇشىن ۇلتتىق بىلىكتىلىك تەستىلەۋ تەست تاپسىرمالارىنىڭ بازاسىن قالىپتاستىرۋ ءۇشىن جىل سايىن جاڭا تەست تاپسىرمالارىن ازىرلەۋ جوسپارلانعان. بۇدان باسقا، جىل سايىن تەست تاپسىرمالارىنا تەكسەرۋ، تۇزەتۋ ارقىلى قوسارلانعان ساراپتاما، سونداي-اق ولاردى بەيىمدەۋ جۇرگىزىلەدى»، - دەدى ول.