سىرتقى ىستەر ءمينيسترىنىڭ ورىنباسارى الماس ايداروۆ استانادا ءوتىپ جاتقان ينۆەستيتسيالىق فورۋم كۋلۋارىندا وسىنداي دەرەك كەلتىردى، دەپ حابارلايدى قازاقپارات ءتىلشىسى.
«ءبىز ەلگە سىرتتان ينۆەستيتسيا تارتۋ ءۇشىن جىل سايىن 1,5 جاڭا كومپانيامەن جۇمىس جۇرگىزەمىز. ولاردىڭ ىشىندە ۇسىنىستارىمىزعا قىزىعۋشىلىق بىردىرگەندەر 200 دەي بولدى. وسى 200 كومپانيانىڭ ىشىنەن وبلىستارعا كەلىپ، اقشا سالۋعا ىنتا بىلدىرگەندەرى 40-50 گە جاقىندايدى. بۇل - كۇندەلىكتى جۇمىس، سوندىقتان توقتامايدى. مەنىڭ ويىمشا، وسى جىلدىڭ وزىندە شامامەن 25-27 ميلليارد دوللارعا جۋىق ينۆەستيتسيا تارتىلادى. ياعني، جىلدىڭ اياعىنا 50-60 تاي جاڭا جوبا قولعا الىنادى»، - دەدى ۆيتسە-مينيستر.
الماس ايداروۆتىڭ سوزىنە قاراعاندا، رەسەيدەگى احۋال قازاقستانعا ينۆەستيتسيا تارتۋعا قوسىمشا مۇمكىندىك تۋعىزۋدا.
«قازىر ينۆەستورلاردىڭ گەوگرافياسى قۇبىلىپ تۇر. بۇرىن رەسەيلىكتەر كوپ بولاتىن. رەسەي فەدەراتسياسىنا سالىنعان سانكتسيالارعا بايلانىستى بۇرىن نارىعى شاعىن بولعاندىقتان قازاقستاندى تاڭداي الماعان كوپتەگەن كومپانيالار ەۋرازيا اۋماعىنداعى قىزمەتىن ساقتاپ قالۋ ءۇشىن بىزگە باعىتتالۋعا ءماجبۇر. نەمەسە قازاقستاندىق زاۋىتتاردىڭ قۋاتىن ۇلعايتۋعا اقشا سالۋعا نيەتتىلەر بار. مۇنداي كەزدەگى ءبىزدىڭ مىندەتىمىز وسى اۋماقتاعى «تۇراقتىلىق ارالى» بولىپ قالا العانىمىزدى كورسەتۋ. ەلدىڭ ءىشى مەن سىرتىنداعى جاعدايلار، پرەزيدەنت ايتقان جاڭاشىلدىقتار مەن رەفورمالار ينۆەستيتسيالىق كليماتقا ەشقانداي كەرى اسەر ەتپەيتىنىن كورسەتۋىمىز كەرەك»، - دەدى س ءى م وكىلى.