بۇل تۋرالى «قازاقستاننىڭ ساياسي ترانسفورماتسياسى: ۇردىستەر مەن كەلەشەك» ساراپشىلىق فورۋمىندا ق ر مەملەكەتتىك كەڭەسشىسى ەرلان قارين ايتتى، دەپ حابارلايدى قازاقپارات.
«جاڭا ادەپ پەن جاڭا قۇندىلىقتاردى ىلگەرىلەتۋ قاجەت. پرەزيدەنت وڭىرلەرگە ساپارىندا بۇعان نازار اۋدارىپ، ەڭبەك عۇرپىن، ءبىلىمنىڭ ماڭىزدىلىعىن، ءوزارا كومەك پەن ىنتىماقتاستىق قۇندىلىعىن ناسيحاتتاۋى كەزدەيسوق ەمەس. سونىمەن قاتار پرەزيدەنت ۇلتتىق بىرەگەيلىككە جاڭا كوزقاراس قالىپتاستىردى. ونىڭ باستى سيمۆولى - كوك پاسپورتىمىز»، - دەدى ەرلان قارين.
ونىڭ اتاپ وتۋىنشە، پرەزيدەنتتىڭ كوك پاسپورتىمىز تۋرالى ايتقان سوزىندە ازاماتتىق بىرەگەيلىككە دەگەن ۇندەۋى بار.
«مەملەكەت باسشىسى جاڭا تۇجىرىمدامالار مەن جاڭا يدەولوگەمالاردى تالقىلاۋعا ۇسىنادى»، - دەدى ول.
مەملەكەتتىك كەڭەسشى ەلىمىزدە «مادەني مۇرا»، «رۋحاني جاڭعىرۋ» جانە باسقا دا باعدارلامالار ىسكە اسىرىلعانىن اتاپ ءوتتى.
«ولار مادەني مۇرانى ساقتاۋدا، رۋحانياتتى، تاريحي سانانى دامىتۋدا ءرول اتقاردى. ق س ز ي جازدان باستاپ، قوعامدىق قۇندىلىقتاردىڭ بازالىق ماتريتساسى ماسەلەلەرىمەن اينالىسىپ جاتىر. بۇل اۋقىمدى جۇمىستىڭ فيلوسوفيا، ساياساتتانۋ، الەۋمەتتانۋ، تاريح جانە مادەنيەتتانۋ سالاسىنداعى جەتەكشى ساراپشىلاردىڭ ورتاق جوباسى بولعانى دۇرىس بولار ەدى»، - دەدى ەرلان قارين.