قاڭتار وقيعاسى: ازاپتاۋ قىلمىسى بويىنشا كۇدىككە ىلىنگەندەرگە راقىمشىلىق جاسالمايدى

بۇل تۋرالى بۇگىن ءماجىلىستىڭ جالپى وتىرىسىندا ءمالىم بولدى، دەپ حابارلايدى قازاقپارات ءتىلشىسى.

«قازىرگى كەزدە قۇقىق قورعاۋ سالاسىنداعى 49 ادام جاۋاپكەرشىلىككە تارتىلىپ جاتىر. ونىڭ بىرەۋىنە عانا راقىمشىلىق قولدانىلۋى مۇمكىن. ول ءىس ءالى سوتقا جولدانعان جوق. كۇدىكتى قىلمىستى جاسىرۋ دەرەگى بويىنشا تەرگەلىپ وتىر. ال قالعاندارى ازاپتاۋ مەن بيلىكتى اسىرا پايدالانۋ ىستەرى بويىنشا تەرگەلدى»، - دەدى باس پروكۋروردىڭ ورىنباسارى اسەت شىنداليەۆ دەپۋتاتتاردىڭ ساۋالىنا جاۋاپ بەرە وتىرىپ.

وسى ورايدا ادامداردى ازاپتاۋ قىلمىسى بويىنشا كۇدىككە ىلىنگەن قۇقىق قورعاۋ قىزمەتكەرلەرىنە راقىمشىلىق قولدانىلمايتىنىن ناقتىلادى.

بۇدان بۇرىن حابارلانعانداي، قاڭتارداعى ازاپتاۋعا قاتىستى 17 پوليتسەي مەن 12 ۇ ق ك قىزمەتكەرى جاۋاپكەرشىلىككە تارتىلادى.

بۇگىن ءماجىلىستىڭ جالپى وتىرىسىندا «راقىمشىلىق جاساۋ تۋرالى» زاڭ جوباسىن ماقۇلدادى.

الدىن الا جاسالعان ەسەپتەۋ بويىنشا وسى كەزەڭدە راقىمشىلىق 1,5 مىڭعا جۋىق ادامعا جاسالادى.