«راقىمشىلىق بويىنشا بوساتۋ - وڭالتۋ ءىس-شارالارى ءۇشىن نەگىز بولمايدى. بۇل زاڭ جوباسىندا راقىمشىلىقتى قولدانۋ زالالدىڭ بار-جوعىنا قاراماستان قاراستىرىلعان. ءبىراق، راقىمشىلىقتى ىسكە اسىرۋ زالال ءۇشىن جاۋاپكەرشىلىكتەن بوساتپايدى. تيىسىنشە، جابىرلەنۋشى جاقتىڭ بوساتىلعان ادامعا زالالدى وتەۋ تۋرالى تالاپ قويۋىنا ەشتەڭە كەدەرگى بولا المايدى. سونىمەن قاتار، راقىمشىلىق قولدانۋ الدىندا ايىپتى ادام كىناسىن دە، كەلتىرىلگەن زالالدى دا مويىنداۋى كەرەك»، - دەدى گ. بيجانوۆا ءماجىلىستىڭ جالپى وتىرىسىندا دەپۋتاتتاردىڭ ساۋالىنا جاۋاپ بەرە وتىرىپ.
ول اقپان ايىنان باستاپ مەملەكەت كاسىپكەرلىككە، شاعىن جانە ورتا بيزنەسكە كەلتىرىلگەن شىعىندى وتەپ جاتقانىن اتاپ ءوتتى. سالىق كودەكسىنە ەنگىزىلەتىن وزگەرىستەردى قاراۋ اياسىندا ءىرى كاسىپكەرلىك سۋبەكتىلەرىنىڭ قاڭتار وقيعاسىندا كەلتىرىلگەن زالالدى وتەۋگە جۇمسايتىن شىعىندارىن ەكى جىل ىشىندە شەگەرىپ تاستاۋ ۇسىنىلىپ وتىر.
«اتامەكەن» ۇ ك پ مالىمەتىنشە، بيزنەسكە كەلتىرىلگەن جالپى شىعىن 90 ميلليارد تەڭگەدەن اسقان.
«ايماقتىق كوميسسيالار شىعىندى وتەۋ تۋرالى وتىنىشتەردىڭ بارلىعىن ماقۇلدادى. زياندى وتەۋ ءۇش كوزدەن، ياعني ۇكىمەت رەزەرۆىنەن، جەرگىلىكتى بيۋجەت جانە جەكە قور قاراجاتى ەسەبىنەن جۇزەگە اسىرىلادى»، - دەدى دەپۋتات.
بۇعان دەيىن حابارلانعانداي، ءماجىلىستىڭ جالپى وتىرىسىندا پالاتا دەپۋتاتتارى «راقىمشىلىق جاساۋ تۋرالى» زاڭ جوباسىن ماقۇلدادى.