«الماتى وبلىسى - بالا تۋۋ كورسەتكىشى بويىنشا كوش باستاپ كەلە جاتقان ءوڭىردىڭ ءبىرى. وسى وڭىردە 45 مىڭعا جۋىق كوپ بالالى وتباسى تۇرادى. «بالالى ءۇي - بازار» دەيدى حالقىمىز. شىن مانىندە، بالا - ءبىزدىڭ قۋانىشىمىز، بالا - ءبىزدىڭ بولاشاعىمىز. ەلىمىزدە قولعا الىنعان وزگەرىستىڭ ءبارى ۇرپاق ءۇشىن جاسالىپ جاتىر. مەن جولداۋدا ايتقانىمداي، جاڭا جىلدان باستاپ بالا كۇتىمى ءۇشىن تولەماقى تولەۋ مەرزىمى ءسابي ءبىر جارىم جاسقا تولعانعا دەيىن ۇزارتىلاتىن بولدى. سونداي- اق، ايەلدەردىڭ زەينەت جاسىن 2028 -جىلعا دەيىن 61 جاس دەڭگەيىندە قالدىرۋ تۋرالى شەشىم قابىلدادىم. انا مەن بالاعا قامقورلىق كەلەشەكتە دە جالعاسا بەرەدى»، - دەدى پرەزيدەنت.
الماتى وبلىسىنىڭ جۇرتشىلىعىمەن كەزدەسۋدە قاسىم- جومارت توقايەۆ باۋ- باقشانى دامىتۋ ماقساتىندا قانداي شارۋالار اتقارىلىپ جاتقانىن ايتتى.
«الماتىنىڭ الماسى الەمگە تانىمال ۇلتتىق برەندىمىزگە اينالۋى كەرەك. بۇل ءوڭىر المادان باسقا دا ءتۇرلى جەمىس- جيدەك وسىرەتىن باۋ- باقشاسىمەن تانىمال.
ونى دۇرىستاپ دامىتسا، وبلىس ەلىمىزدى جەمىس- جيدەكپەن قامتاماسىز ەتۋمەن قاتار، ونى ەكسپورتتاي الاتىنى ءسوزسىز.
الماتى قالاسىنىڭ ىرگەلەس تۇرۋى دا - قولايلى فاكتوردىڭ ءبىرى. قازىر مەنىڭ تاپسىرمام بويىنشا شاھاردىڭ ازىق- تۇلىك بەلدەۋىن دامىتۋ باعدارلاماسى ازىرلەنىپ جاتىر.
بۇل باستاما جۇزەگە اسسا، وبلىستىڭ اۋىل شارۋاشىلىعى تىڭ قارقىنمەن داميدى»، - دەدى مەملەكەت باسشىسى.
رەداكتور
گۇلنۇر عازيز قىزى