جەدەل ىزدەستىرۋ ءىس-شارالارى بارىسىندا پوليتسيا قىزمەتكەرلەرى 18 جانە 20 جاستاعى ەكى ادامدى ۇستادى. ونىڭ ءبىرى - كولىك جۇرگىزگەن بولسا، ەكىنشىسى - بولجام بويىنشا جابىرلەنۋشىگە وق اتقان. ۇستالعان كۇدىكتى مويىنداۋ كورسەتپە بەلگىلەرىن بەردى.
الدىن الا بولجام بويىنشا Ulytau Mall ساۋدا ءۇيىنىڭ الدىندا جاس جىگىتتەر سوزگە كەلىپ قالادى، سوڭى توبەلەسكە ۇلاسقان. وقيعا ورنىندا كۇدىكتىلەردىڭ ءبىرى 24 جاستاعى ازاماتقا وق اتىپ، اۆتوكولىكپەن ءىزىن جاسىرعان. جابىرلەنۋشى اۋرۋحاناعا جەتكىزىلدى.
اتالعان فاكت بويىنشا قازاقستان رەسپۋبليكاسى قىلمىستىق كودەكسىنىڭ 24-99-بابىنا سايكەس قىلمىستىق ءىس قوزعالدى. ايعاق زاتتار تاركىلەندى. كۇدىكتى ۋاقىتشا ۇستاۋ يزولياتورىنا قامالىپ، تەرگەۋ امالدارى باستالدى.
وقيعاعا قاتىسى بارلاردىڭ بارلىعىنىڭ جەكە باستارى انىقتالدى. قازىرگى ۋاقىتتا ولاردى ۇستاۋ بويىنشا كەشەندى شارالار ءجۇرىپ جاتىر.
ەسكە سالساق، كەشە ساتبايەۆ قالاسىندا ساۋدا ورتالىعىنىڭ الدىندا ەر ادامدى اتىپ كەتكەنى حابارلانعان بولاتىن.