سۋ دەڭگەيىنىڭ تومەندەۋىنە جاۋىن- شاشىننىڭ ازدىعى مەن بۋلانۋ سياقتى فاكتورلار اسەر ەتىپ جاتىر، دەپ حابارلايدى قازاقپارات ANADOLU اگەنتتىگىنە سىلتەمە جاساپ.
كولدىڭ تايازدانۋىنا بايلانىستى مىڭداعان جىل بويى سۋ تۇبىندە پايدا بولعان ميكروبياليتتەرگە ءقاۋىپ تونە باستادى. كەيبىر جەرلەردەگى سۋ استىنداعى شوگىندىلەر جاعالاۋدان انىق كورىنەدى. بۇل قۇبىلىس ەرچيش، گيەۆاش پەن ەدرەميت اۋداندارىنداعى جاعالاۋدا سەرۋەندەۋشىلەر مەن فوتوگرافتاردىڭ قىزىعۋشىلىعىن تۋدىرىپ وتىر.
ساراپشىلاردىڭ پىكىرىنشە، ۆان كولىنىڭ تۇبىندە بيىكتىگى 32,2 مەتر بولاتىن ءىرى ميكروبياليت بار. ولار ۋاقىت وتە كەلە سۋ بەتىنە كوتەرىلگەن شوگىندىلەر جەل مەن اۋا رايىنىڭ كەرى اسەرىنەن جويىلىپ كەتۋى ىقتيمال دەپ پايىمدايدى.
«سوڭعى 10 جىلدا ۆان كولىنىڭ اۋدانى شامامەن 140 سانتيمەترگە ازايدى. مۇنداي قۇبىلىس 1950 -جىلداردان كەيىن دە بايقالعان. قۇرعاقشىلىقتان كەيىن جاۋىندى كەزەڭ بولادى دەپ ۇمىتتەنەمىز»، - دەيدى سۋ ماسەلەلەرى جونىندەگى مەملەكەتتىك باسقارما وكىلى ايحان شاحنا.