استانا پوليسەيلەرى كۇدىكتىنى قاراعاندى قالاسىندا ۇستاعان. جاس قىز قازاقستان اۋماعىندا ءبىرقاتار ۇرلىق جاسادى دەپ ايىپتالىپ وتىر.
«25 جاستاعى كۇدىكتىنى استانا قالاسى بايقوڭىر اۋدانى پوليتسيا ءبولىمىنىڭ قىزمەتكەرلەرى قاراعاندىدا ۇستادى.
كۇدىكتى تامىز ايىندا ەلوردا بازارىنىڭ اۋماعىندا ساتىپ الۋشىنىڭ سومكەسىنەن 930 مىڭ تەڭگە ۇرلاپ كەتكەن. جابىرلەنۋشىنىڭ ايتۋىنشا، ۇرلىق الدىندا ول جەكە قاجەتتىلىكتەرى ءۇشىن نەسيە العان. ول كۇدىك تۋدىرماۋ ءۇشىن حيدجاب كيىپ، ارەكەت ەتكەن.
ۇرلىق فاكتىلەرى بويىنشا ق ر قىلمىستىق كودەكسىنىڭ 188-بابىمەن (ۇرلىق) سوتقا دەيىنگى تەرگەۋ امالدارى جۇرگىزىلىپ جاتىر. تەرگەۋ بارىسىندا ۇستالعان ازاماتشانىڭ ەلدىڭ باسقا دا ايماقتارىندا ۇرلىق جاساعانى انىقتالدى. كۇدىكتى قاماۋعا الىندى»، - دەلىنگەن پوليتسيا مالىمەتىندە.