ءبىراق سول اقشانى قالاي جينايمىز؟ بىرنەشە ءادىس ۇسىنامىز.
بۇل توپتامادا «تويعا بارماڭىز»، «تۋعان كۇندەرگە بارۋدى قىسقارتىڭىز» دەگەن سەكىلدى كەڭەستەردى ۇسىنباۋعا تىرىسامىز. سەبەبى كۇندەلىكتى ومىردە دوس-جارانى، تۋىستارى بار ادامعا مۇنداي ۇسىنىس ورىنسىز بولۋى مۇمكىن.
ەسكەرتۋ: ءبىزدىڭ كەڭەس وتباسىلى، كوپبالالى ادامدارعا ارنالماعان. بۇل جالعىز ءومىر سۇرەتىن نەمەسە تاپقان تابىسىن كوبىنە وزىنە جۇمسايتىن ادامدارعا ارنالعان. سونىمەن اقشانى قالاي جينايمىز؟
ەڭ الدىمەن اقشانى نە ءۇشىن جينايتىنىڭىزدى انىقتاپ العانىڭىز دۇرىس. ءۇيدىڭ العاشقى جارناسىنا نەمەسە ساياحاتقا از ۋاقىتتا ءوزىڭىز جالعىز-اق اقشا جيناۋىڭىز ابدەن مۇمكىن، ال وتە قوماقتى قاراجاتتى جيناۋعا جىلدار كەتۋى مۇمكىن. قايتكەن كۇننىڭ وزىندە اقشا جيناي بەرسەڭىز، كۇندەردىڭ ءبىر كۇنىندە ول قاجەتىڭىزگە جارارى ءسوزسىز.
جالاقىڭىزدىڭ نەمەسە جالپى تاپقان تابىسىڭىزدىڭ بەلگىلى ءبىر سوماسىن جيناپ وتىرىڭىز. ءيا، قاراپايىم كەڭەس. ءبىراق شىن مانىندە اقشانىڭ ءبىر بولىگىن جيناپ وتىرساڭىز، ءبىراز ۋاقىتتان كەيىن ءبىراز قاراجات جينالىپ قالۋى مۇمكىن.
مىسالى ءبىر ايدا تاباتىن تابىسىڭىز 200 مىڭ بولسا، كەمىندە 50 مىڭنان جيناۋدى باستاڭىز.
«قالعان 150 مىڭعا ءبىر اي قالاي ءومىر سۇرەمىن؟» دەگەن سۇراق ويىڭىزعا بىردەن كەلۋى مۇمكىن. ءبىراق ەسەپتەي كەلە، ارتىق كوپ شىعىن جاساماۋعا تىرىسىپ، 150 مىڭعا ءبىر اي ءومىر سۇرۋگە بولاتىنىن تۇسىنۋگە بولادى. اي سايىن 50 مىڭنان جيناپ وتىرساڭىز، ءبىر جىلدا 600 مىڭ جيناپ الۋعا بولادى.
50 مىڭنان جيناۋ ءتىپتى مۇمكىن ەمەس دەپ ويلاساڭىز، تابىسىڭىزدىڭ كەم دەگەندە 10 نەمەسە 20 پايىزىن جيناڭىز.
ەكىنشىدەن، اقشاڭىزدى شوتتان شىعارا المايتىن بانكتەردە ساقتاڭىز. نەمەسە شىعارىپ العان كۇننىڭ وزىندە كوپ كوميسسيا الاتىن بانكتە ساقتاڭىز. سەبەبى قولما-قول نەمەسە شىعارىپ الا الاتىن ەسەپشوتتا جيناساڭىز ءوز-ءوزىڭىزدى «ۇستاي الماي»، اقشانى شىعارىپ الىپ، ونى جاراتىپ تاستاۋىڭىز ابدەن مۇمكىن.
كۇنىنە بەلگىلى ءبىر سومانى عانا جۇمساۋ چەللەندجىن ىستەپ كورىڭىز. مىسالى ءوز-وزىڭىزگە «كۇنىنە 1000 تەڭگەدەن ارتىق جۇمسامايمىن» دەپ ۋادە بەرىڭىز. ياعني كۇن سايىن تەك سول سومانى جۇمساۋعا تىرىسىڭىز. ونىڭ ىشىنە جول اقىسىن دا قوسۋعا بولادى. ايىنا كەم دەگەندە 25 جۇمىس كۇنى بار دەپ ەسەپتەسەك، تابىسىڭىزدىڭ 25 مىڭ تەڭگەسىن عانا كۇندەلىكتى ومىرىڭىزگە جۇمسايسىز.
اقشا جيناۋداعى ەڭ ءبىر تاپتىرماس قۇرال - دەپوزيت اشۋ. اي سايىن ۇزدىكسىز بەلگىلى ءبىر سومانى دەپوزيتىڭىزگە سالىپ تۇرىڭىز. كەيبىر بانكتەردە بەلگىلى ءبىر سومانى جيناساڭىز، جىل سوڭىندا مەملەكەتتەن سىياقى بەرىلەدى.
50/30/20 ءادىسىن قولدانىڭىز. بۇل جاعدايدا تابىسىڭىزدىڭ 50 پايىزىن پاتەرىڭىز بەن ازىق-تۇلىككە، 30 پايىزىن ءتۇرلى ساپار مەن ۇيدەن تىس جەردە تاماقتانۋعا، ال 20 پايىزىن قارىزدار مەن اقشا جيناۋعا بولسەڭىز بولادى.
اقشا جيناۋ ءۇشىن اقشا ۇنەمدەۋ مىندەت ەمەس. ءسىز اي سايىنعى تابىسىڭىزدى ارتتىرۋ جولدارىن ىزدەۋ ارقىلى اقشا جيناي الاسىز. ياعني قوسىمشا جۇمىس تابىڭىز. اي سايىنعى شىعىنىڭىز تابىسىڭىزبەن تەڭ بولسا جاعدايدى وزگەرتۋ كەرەك. ءبىراق قوسىمشا تابىسىڭىز نەگىزگى جۇمىسىڭىزعا كەدەرگى جاساماعانى ءجون.
اقشا جيناۋداعى كەلەسى قاراپايىم ءادىس - جيناق ساندىقشاسىنا ياعني «كوپيلكاعا» جيناۋ. بۇل جاعدايدا اقشانى تيىن رەتىندە دە، قاعاز اقشالاردى دا جيناساڭىز بولادى. كوپ قاراجات جيناۋ ءۇشىن سايكەسىنشە ۇلكەن «كوپيلكا» باستاعانىڭىز دۇرىس. ءبىراق مۇنداي ءادىس ارقىلى جيناعان اقشاڭىزعا ءۇي ساتىپ المايتىنىڭىز بەلگىلى. دەگەنمەن قانداي دا ءبىر سوما جينالاتىنى ءسوزسىز.
قارىز الماۋعا تىرىسىڭىز. بۇل ساناتقا تەك تانىسىڭىزدان نە تۋىسىڭىزدان قارىز الۋ ەمەس، سونداي-اق ميكروقارجى نەمەسە نەسيە الۋدى دا جاتقىزۋعا بولادى. ءجون جوسىقسىز نەسيە الۋ نەمەسە قانداي دا ءبىر زاتتى نەسيەگە الۋ اي سايىنعى تابىسىڭىزدى ازايتىپ جىبەرەتىنى ءسوزسىز. ونىڭ ورنىنا اقشا جيناپ، سول سوماعا زات ساتىپ العانىڭىز الدەقايدا ءتيىمدى بولادى.
ەڭ باستىسى - سانالى تۇردە ۇنەمدەۋدى ۇيرەنۋ كەرەك. بۇل مۇلدە جابىلىپ، ادامداردان الشاق بولىپ كەتۋ كەرەك دەگەن ءسوز ەمەس. ياعني ۇنەمدەۋدىڭ اراسىنداعى شەكارانى اجىراتا ءبىلۋ كەرەك. سونداي-اق موتيۆاتسيا تۋرالى دا ۇمىتپاعان ءجون. ياعني بەلگىلى ءبىر قارجىنى جينادىڭىز - ماقسات ورىندالدى - ءوزىڭىزدى قۋانتىپ قويىڭىز.
massaget.kz