مينيستر قوستانايداعى ورمان ءورتىنىڭ قاساقانا قويىلعانىن راستادى

ول ءتىلسىز جاۋ تابيعي فاكتور اسەرىنەن تۇتاندى دەگەن نۇسقانى جوققا شىعاردى، دەپ حابارلايدى قازاقپارات ءتىلشىسى.

«ءبىز ءورت تابيعي فاكتور اسەرىنەن بولدى دەگەن نۇسقانى جوققا شىعاردىق. ويتكەنى، بۇل ايماقتا نايزاعاي بولعان جوق. كوبىنە نايزاعاي ءبىراز ورتتەرگە سەبەپ بولىپ جاتادى. ءبىزدىڭ جەدەل توپ 3- قىركۇيەكتە ءورت بولعان جەرگە كەلگەندە كەزدە دە، تىكۇشاقتان باقىلاۋ بارىسىندا دا نەگىزگى ورتتەن 1,5-2 شاقىرىم جەردە جەلگە قارسى جانىپ جاتقان ءورت وشاقتارى بولدى. وندا ادامي فاكتوردىڭ قاتىسى بولعانى ءسوزسىز. سونىمەن قاتار، جاقىن جەردەگى دالا القاپتارى ورتەندى. بۇل ءورت اۋەلدە دالالىق القاپتا باستالىپ، كەيىن جەل ەپكىنىمەن تارالعانىن كورسەتەدى»، - دەدى مينيستر.

يۋريي يلين ءورت قاساقانا قويىلدى دەگەن نۇسقامەن كەلىسەتىنىن اتاپ ءوتتى. ونىڭ ايتۋىنشا، تەرگەۋ جۇمىستارى ءالى ءجۇرىپ جاتىر.

بۇرىن حابارلاعانىمىزداي، قوستاناي وبلىسىنىڭ پروكۋراتۋراسى اۋليەكول اۋدانىنداعى ورتكە بايلانىستى 3 قىلمىستىق ءىس قوزعاعان بولاتىن.

يۋري يليننىڭ مالىمدەۋىنشە، تەرگەۋ شارالارى بارىسىندا ءبىرقاتار شەنەۋنىكتەردەن دە جاۋاپ الىنعان.

اۆتور

ءاليحان اسقار