مۇنداي دەرەكتەر دەنساۋلىق ساقتاۋ مينيسترلىگى ازىرلەگەن سالانى دامىتۋدىڭ ارنايى تۇجىرىمداماسىندا كورسەتىلگەن، دەپ حابارلايدى قازاقپارات ءتىلشىسى.
«تۇجىرىمدامادا ازاماتتىڭ (الەۋەتتى دونوردىڭ) ءوزى قايتىس بولعاننان كەيىن دونور بولۋىنا كوزى تىرىسىندە كەلىسىم بەرۋىن، ياعني اعزا دونورلىعىن جەتىلدىرۋ جانە دامىتۋ قاراستىرىلعان.
2022 -جىلعى 10-قىركۇيەكتەگى جاعداي بويىنشا كۇتۋ پاراعىندا اعزا ترانسپلانتاتسياسىن قاجەت ەتەتىن 3562 پاتسيەنت، ونىڭ ىشىندە 77 بالا (3208 پاتسيەنت - بۇيرەك، 179 پاييەنت - باۋىر، 153 پاتسيەنت - جۇرەك، 16 پاتسيەنت - وكپە جانە 6 پاتسيەنت وكپە- جۇرەك كەشەندەرىن) ترانسپلانتاتسيانى قاجەت ەتەدى.
دەنساۋلىق ساقتاۋدىڭ ترانسپلانتاتسيا سالاسىندا زاماناۋي مەديتسينالىق يننوۆاتسيالىق تەحنولوگيالار دامىعان، دايىندالعان ماماندار بار. دەگەنمەن، دونور ورگاندارىنىڭ جەتىسپەۋشىلىگىنە بايلانىستى پاتسيەنتتەر ترانسپلانتاتسيا كەزەگىن جىلدار بويى كۇتەدى نەمەسە ونى كۇتپەي كوز جۇمادى.
ۇسىنىلىپ وتىرعان تۇزەتۋ دونورلىق پۋلدى ۇلعايتۋعا جانە قر ازاماتتارىنىڭ اعزا جانە تىندەر ترانسپلانتاتسياسىنا قول جەتكىزۋىنە ىقپال ەتەدى، ورگانداردى ساتىپ الۋ - ساتۋ تاۋەكەلىن بارىنشا ازايتادى»، - دەپ كورسەتىلگەن قۇجاتتا.
سونىمەن قاتار ۆەدومستۆو مەديتسينا قىزمەتكەرلەرىنىڭ قاۋىپسىزدىك ماسەلەسىن شەشۋدى ۇسىندى. مينيسترلىك اقپاراتىنا سايكەس، سوڭعى ۋاقىتاردا دارىگەرلەرگە ناۋقاستار تاراپىنان شابۋىل جاساۋ، مامانداردىڭ ار- نامىسىن اياقاستى ەتۋ فاكتىلەرى جيىلەگەن.