الەمنىڭ ۇزدىك جوعارى وقۋ ورىندارىندا قانشا قازاقستاندىق وقىپ جاتىر
بۇل تۋرالى قازاقپارات ق ر عىلىم جانە جوعارى ءبىلىم مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.
ولاردىڭ ىشىندە پرەزيدەنتتىك ستيپەنديانىڭ 50 يەگەرى شىرماۋىق ليگاسىنا كىرەتىن الەمدەگى ەڭ بەدەلدى ۋنيۆەرسيتەتتەردە وقيدى. ولار: گارۆارد، كولۋمبيا، يەل، پرينستون، براۋن، دارتمۋت، كورنەلل ۋنيۆەرسيتەتتەرى جانە پەنسيلۆانيا ۋنيۆەرسيتەتى.
«شىرماۋىق ليگاسىندا وقۋدىڭ ارتىقشىلىعى - كوپتەگەن نوبەل سىيلىعىنىڭ لاۋرەاتتارى مەن باسقا دا بەدەلدى ماراپاتتاردىڭ يەگەرلەرىنەن ءتالىم الىپ، ۇيرەنۋگە مۇمكىندىگىمىز بار. مەن ۋنيۆەرسيتەتتە جاساندى ينتەللەكتتى، زاتتار ينتەرنەتىن (IoT ) وقيمىن، سونداي-اق ۇزاق مەرزىمدى پەرسپەكتيۆاعا ستراتەگيانى قالاي قۇرۋ كەرەك ەكەنىن ءتۇسىنۋ ءۇشىن بيزنەس مەكتەپتەن ساباق الدىم. قازاقستاندىق تەلەكوم-نارىق ۇلكەن ترانسفورماتسيا الدىندا تۇر جانە الەۋەتتى ينۆەستورلار ءۇشىن تارتىمدى. وقۋدى اياقتاعاننان كەيىن وسى باعىتتا قىزمەت جاساپ، قازاقستانداعى IT جانە كوممۋنيكاتسيالاردى دامىتۋعا ءوز ۇلەسىمدى قوسقىم كەلەدى»، - دەدى «بولاشاق» ستيپەندياسىنىڭ يەگەرى ايگەرىم قىدىرعاليەۆا.
ايگەرىم «بولاشاق» باعدارلاماسى بويىنشا كولۋمبيا ۋنيۆەرسيتەتىنىڭ ماگيستراتۋراسىندا وقيدى. مۇندا ول ەلەكترونيكا مەن تەلەكوممۋنيكاتسيالىق جۇيەلەردى ۇيرەنەدى.
ستيپەنديانىڭ 29 جىلدىق تاريحىندا «بولاشاق» حالىقارالىق باعدارلاماسىنىڭ تۇلەكتەر سانى 11700 دەن استى. ولار الەمنىڭ 200 دەن استام جەتەكشى ۋنيۆەرسيتەتىندە ءبىلىم الدى.