«قازىرگى ۋاقىتتا «اڭشى كۋالىگىن بەرۋ» مەملەكەتتىك قىزمەتى «ە- ليتسەنزيالاۋ» پورتالى ارقىلى تولىق اۆتوماتتاندىرىلعان. مەملەكەتتىك قىزمەت كورسەتۋ پروتسەسىن اۆتوماتتاندىرۋ كورسەتىلەتىن قىزمەتتى بەرۋشى مەن كورسەتىلەتىن قىزمەتتى الۋشى اراسىنداعى سىبايلاس جەمقورلىق تاۋەكەلىن بولدىرماۋعا، سونداي-اق اڭشىلار كۋالىكتەرىنىڭ ءبىرىڭعاي ءتىزىلىمىن قۇرۋعا باعىتتالعان. سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى بيىل eGovMobile قوسىمشاسىن جەتىلدىرۋ بويىنشا جۇمىستى اياقتادى. سونىمەن، ءوتىنىش بەرۋشىلەر eGovMobile-دىڭ ۇزدىكسىز جۇمىسىن قامتاماسىز ەتۋ ماقساتىندا ەلەكتروندىق سيفرلىق قولتاڭبانىڭ كومەگىمەن اۆتوريزاتسيا شارتىمەن ينتەرنەتكە قوسىلماي «سيفرلىق قۇجاتتار» سەرۆيسىن جىلدام پايدالانۋ مۇمكىندىگىنە يە»، - دەدى ءبىرىنشى ۆيتسە-پرەمەر.
ونىڭ اتاپ وتۋىنشە، وسىعان بايلانىستى اڭشى كۋالىگىن قاعاز تاسىعىشتا بەرۋ ورىنسىز. اڭشى كۋالىگىن جىل سايىن تىركەۋ ءراسىمىن ەنگىزۋ جەكە تۇلعالارعا قوسىمشا قۇقىقتىق جانە قارجىلىق جۇكتەمە تۋعىزادى.
«سونىمەن قاتار، قارۋ اڭشىنىڭ كۋالىگىنە سايكەس كەلمەيتىنىن اتاپ وتكەن ءجون، سايكەسىنشە اڭشى كۋالىگىن جىل سايىن تىركەۋ ازاماتتار ساتىپ العان جانە اڭ اۋلاۋدا قولدانىلاتىن اتىس قارۋىنىڭ سانىن باقىلاۋدىڭ ءتيىمدى مەحانيزمى بولا المايدى. وسىعان بايلانىستى اڭشى كۋالىگىن جىل سايىن تىركەۋدى ەنگىزۋ ورىنسىز»، - دەدى رومان سكليار.