قازاقستاندىق وقۋشىلار جەنيەۆادا روبوتوتەحنيكادان وتكەن جارىستا رەكورد ورناتتى
بۇل تۋرالى وقۋ-اعارتۋ ءمينيسترى اسحات ايماعامبەتوۆ جەلىدەگى پاراقشاسىندا جازدى، دەپ حابارلايدى قازاقپارات.
قازاقستاننان بارعان وقۋشىلار 167 ەلدىڭ جاس وسپىرىمدەرىمەن سىنعا ءتۇسىپ، ەڭ كوپ ۇپاي جينادى. بۇل روبوتوتەحنيكا چەمپيوناتى - الەمدەگى ەڭ بەدەلدى جارىستاردىڭ ءبىرى. جەڭىس وقۋشىلارعا الەمنىڭ جەتەكشى ۋنيۆەرسيتەتتەرىنە تۇسۋگە مۇمكىندىك بەرەدى.
«ەلىمىزدىڭ نامىسىن ۇلتتىق قۇراما اتىنان 15 پەن 17 جاس ارالىعىنداعى 5 وقۋشى قورعادى. ولاردىڭ بارلىعى FIRST Global Challenge ۇلتتىق تۋرنيرىنىڭ جەڭىمپازدارى. وقۋشىلارىمىز 3 كۇن ىشىندە 16 ويىن وتكىزىپ، ەشقايسىسىنان جەڭىلمەي، ۇپاي سانى بويىنشا رەكورد ورناتتى. چەمپيوناتتاعى ءبىرىنشى ورىننان بولەك، قازاقستاندىق كوماندا باسقا ەلدەردىڭ كوماندالارىنا كورسەتكەن «ايرىقشا قولداۋى ءۇشىن» Al-Khwarizmi التىن مەدالىن، سونداي-اق روبوتتى جاساۋداعى تاماشا ينجەنەرلىك شەشىمدەرى ءۇشىن JUDGES AWARD ارنايى سىيلىعىن جەڭىپ الدى. وقۋشىلارىمىزدى جەتكەن جەتىستىكتەرىمەن قۇتتىقتايمىن!»، - دەپ جازدى مينيستر.
سونداي-اق مينيستر جىل سايىن IT- مەكتەپتەر سانى كوبەيە بەرەتىندىگى تۋرالى ايتتى.