شەتەلدەگى قازاقتارعا ارنالعان بايقاۋ
بايقاۋدىڭ نەگىزگى شارتتارى:
احمەت بايتۇرسىن ۇلىنىڭ ءومىربايانى، شىعارماشىلىعى جايلى بەينەجازبا ءتۇسىرۋ جانە احمەت بايتۇرسىن ۇلىنىڭ كەز كەلگەن شىعارماسىنان ءۇزىندى وقۋ؛
«احمەت. ۇلت ۇستازى» تەلەحيكاياسىنىڭ نەگىزىندە احمەت بايتۇرسىن ۇلىنىڭ ءومىربايانى، شىعارماشىلىعى جايىنداعى تەست تاپسىرمالارىن ورىنداۋ (تەست تاپسىرماسىن ورىنداۋ كۇنى - 20 قازان).
بەينەجازباعا قويىلاتىن تالاپتار:
ۇزاقتىعى 5 مينۋتتان كەم بولماۋ كەرەك؛
داۋىستىڭ اشىق، ءسوزدىڭ انىق ءارى تۇسىنىكتى شىعۋى؛
لوكاتسيانىڭ دۇرىس تاڭدالۋى.
بايقاۋعا قاتىسۋشىلار: مەكتەپ وقۋشىلارى جانە جوعارى وقۋ ورنىنىڭ ستۋدەنتتەرى (ەتنيكالىق قازاقتار). وعان قازاق، ورىس، اعىلشىن جانە تۇرىك تىلدەرىندە قاتىسۋعا بولادى.
«بايقاۋعا جولداناتىن ءۇزىندىنى ءوزىڭىزدىڭ Instagram, Facebook نەمەسە TikTok پاراقشاڭىزعا تولىق اتى-ءجونىڭىز، تۇراتىن ەلىڭىز جايلى مالىمەتتەرمەن قوسا @otandastar_qory - Instagram, @OtandastarQory - Facebook, @otandastarqory - TikTok الەۋمەتتىك جەلىلەرىنىڭ ءبىرىن جانە #ultustazy150 حەشتەگىن بەلگىلەپ سالۋ قاجەت»، - دەلىنگەن قوردىڭ حابارلاماسىندا.