ديماشتىڭ داۋىسى انتاركتيداعا جەتتى
بۇل تۋرالى «ەسپەرانزا» عىلىمي-زەرتتەۋ ستانتسياسىنىڭ قىزمەتكەرلەرى ءمالىم ەتكەن، دەپ حابارلايدى قازاقپارات dimashnews.com سايتىنا سىلتەمە جاساپ.
«ەسپەرانزا» - شامامەن انتاركتيكا تۇبەگىنىڭ قيىر سولتۇستىگىندە ورنالاسقان ارگەنتينالىق زەرتتەۋ ستانسياسى. ستانسيادان حابار تاراتاتىن LRA36 راديوسىنىڭ قىزمەتكەرلەرى La Era Dimash جۇرگىزۋشىلەرىنە سۇحبات بەرەدى. اڭگىمە بارىسىندا كلاۋديا البارراسين، ماريا ەۆگەنيا رودريگەس، رومينا زابالزا جانە ماريەلا چۋركينا الىس جانە سۋىق كونتينەنتتەگى وزدەرىنىڭ قيىن، ءبىراق وتە قىزىقتى جۇمىستارى تۋرالى ايتادى. سونداي-اق، La Era Dimash انتاركتيداعا جەتكەنىن جانە قىزدار قازاقستاندىق ءارتىستىڭ اندەرىن تىڭداۋعا مۇمكىندىك العانىن راستايدى.
«ديماشتىڭ داۋىسىن العاش ەستىگەندە، ءبىز شىنىمەن تاڭ قالدىق. ونىڭ ادەمى اندەرى بار، وتە زور تالانت!» - دەپ وي بولىسەدى.
La Era Dimash راديوسى نەگىزىن قالاۋشىلاردىڭ ويى دا وسى بولعان. ولار ارگەنتينادا ءوز راديوسىن ىسكە قوسقان كەزدە قازاقستاندىق ءارتىستىڭ داۋىسى جەر شارىنىڭ ءار تۇكپىرىندە ەستىلۋىن قالادى.
«راديوستانسيا العاش رەت ەفيرگە شىققاندا ءبىز ءوزىمىزدى وتە باقىتتى سەزىندىك. كۇن سايىن La Era Dimash راديوسىن تىڭدايتىن ەلدەردىڭ ءتىزىمى كوبەيىپ كەلەدى. ولاردىڭ اراسىندا ءبىز بۇرىن ەستىمەگەن ەلدەر دە بار. مىنە، ارادا ەكى جىل وتكەندە ءبىزدىڭ راديو 96 ەلدە حابار تاراتادى»، - دەيدى راديوستانسيانىڭ باسشىسى پاولا پروفەتا.