سول ارقىلى پوليتسەيلەر كەز كەلگەن ۋاقىتتا ۇرلانعان كولىكتىڭ ورنالاسقان جەرىن انىقتاي الادى. وعان قوسا بارلىق عيماراتتا بىرنەشە كامەرا ورناتىلعان. ادەتتە ۆياچەسلاۆتىڭ اۆتوكولىكتەردى ەكسپورتتايتىن كومپانياسىنا كولىك ۇرلايتىنداردى ۇستاۋعا جەكەمەنشىك كۇزەت فيرمالارى كومەكتەسەدى.
ۆياچەسلاۆ حەگاي، اۆتوكولىك ەكسپورتتاۋشى كومپانيانىڭ ۆيتسە- پرەزيدەنتى:
- بىزدە كۇزەتىلەتىن كولىك قوياتىن 3 ورىن بار. اي سايىن تولەم جۇرگىزىپ وتىرامىز. وندا تاۋلىك بويى جۇمىس ىستەيتىن بەينەباقىلاۋ مەن كۇزەتشىلەر بار. سوندىقتان تەمىر تۇلپارلارىمىز ءۇشىن ەش الاڭدامايمىز. كولىك قوياتىن ورىننىڭ ەڭ ۇلكەنىنە ورتا ەسەپپەن 5 ميلليون ۆون تولەيمىز. بۇل شامامەن 4 مىڭ دوللار.
كيبەرقاۋىپسىزدىك بويىنشا Comparitech اتتى بريتاندىق اقپاراتتىق كومپانيانىڭ مالىمەتىنە ساي سەۋل قالاسى 1 شارشى ميلگە ورناتىلعان كامەرالاردىڭ سانى بويىنشا الەمدەگى ۇزدىك 10 ەلدىڭ قاتارىنا كىرەدى. وتكەن جىلى كورەيا استاناسىنا 83 مىڭنان استام كامەرا ورناتىلعان ەكەن. ستاتيستيكا بويىنشا 5 جىل بۇرىن ەلدە 2733 كولىك ۇرلانسا، وتكەن جىلى 2404 كولىكتى ايداپ كەتىپتى.
ۆياچەسلاۆ حەگاي، اۆتوكولىك ەكسپورتتاۋشى كومپانيانىڭ ۆيتسە- پرەزيدەنتى:
- ءبىر جىل بۇرىن وسىنداي وقيعالار بولعان. كولىكتەردى ءدال ديلەرلەردىڭ ورتالىقتارىنان ۇرلاپ اكەتتى. ءبىراق بەينكامەركالاردىڭ كومەگىمەن بىردەن ۇستادى. ولاردىڭ سولتۇستىك كورەيادان باسقا باراتىن جەرى دە جوق ەدى.
كولىك توناۋشىلارمەن كۇرەستە قاتاڭ زاڭداردىڭ ءرولى زور. بوتەن بىرەۋدىڭ كولىگىن پايدالانعانى ءۇشىن ياعني بۇزاقى ونى رۇقساتسىز ايداسا، 3 جىل باس بوستاندىعىنان ايىرىلۋى مۇمكىن. ءتىپتى كوشەدە تاۋىپ العان ءاميان نەمەسە كرەديتتىك كارتانى پوليتسياعا نەمەسە اكىمدىككە اپارماعان ادامعا ءىرى ايىپپۇل سالىنادى. كامەرالار مۇنداي ساتتەردى مىندەتتى تۇردە ءتۇسىرىپ الادى. ءبىراق مۇنىڭ جاعىمدى جاعى دا بار. جوعالعان زاتتىڭ يەسى قايتارعان كىسىگە ونىڭ قۇنىنىڭ % 5 پەن % 20 ارالىعىندا وتەاماقى تولەۋى ءتيىس. ستاتيستيكاعا سۇيەنسەك، وڭتۇستىك كورەيادا جوعالعان زاتتىڭ % 70 يەسىنە قايتارىلادى.
https://khabar.kz/kk