«ءسىزدىڭ العاشقى مەملەكەتتىك ساپارىڭىز قازاقستان مەن تۇركىمەنستان اراسىنداعى ديپلوماتيالىق قاتىناستاردىڭ 30 جىلدىعى - مەرەيتويلىق كەزەڭمەن تۇسپا-تۇس كەلدى. تاتۋ كورشىلىكتىڭ عاسىرلار بويعى دوستىعىنا، ءبىرتۇتاس مادەني جانە تاريحي قۇندىلىقتارعا سۇيەنە وتىرىپ، قازاقستان مەن تۇركىمەنستان وسى جىلدار ىشىندە مەملەكەتارالىق ارىپتەستىكتىڭ ۇلگىسى بولىپ تابىلاتىن بەرىك جانە ۇيلەسىمدى قارىم-قاتىناس ورناتتى. ەلدەرىمىز اراسىندا جوعارى دەڭگەيدە بەلسەندى جانە وتە سەنىمدى ساياسي ديالوگ جولعا قويىلعان»، - دەدى قاسىم-جومارت توقايەۆ.
قازاقستان پرەزيدەنتى وتكەن جىلدىڭ قازانىندا اشحاباتقا جاساعان ساپارىن جىلىلىقپەن ەسكە الىپ، قوناقجايلىق تانىتقانى ءۇشىن ريزاشىلىعىن ءبىلدىردى. سونىمەن قاتار مەملەكەت باسشىسى تۇرىكمەنستاننىڭ بۇرىنعى پرەزيدەنتى گۋربانگۋلى بەردىمۇحامەدوۆ سالەمىن جولدادى.
«سول ساپار بارىسىندا تۇرىكمەنستاننىڭ قۇرمەتتى پرەزيدەنتى، ءسىزدىڭ اكەڭىز گۋربانگۋلى مياليكگۋلىمەن جەمىستى كەلىسسوز جۇرگىزگەنىمىزدى اتاپ وتكىم كەلەدى. باسپا ءسوزدىڭ مۇمكىندىگى مەن قاتىسۋىن پايدالانا وتىرىپ، قۇرمەتتى گۋربانگۋلى مياليكگۋلى ۇلىنا سالەمىم مەن ىزگى تىلەكتەرىمدى جەتكىزگىم كەلەدى»، - دەدى ق ر پرەزيدەنتى.