«2030-جىلعا قاراي قازاقستاندا ءىرى ەنەرگيا كوزىن سالۋ قاجەت ەكەنىن تۇسىنەمىز. قازىردىڭ وزىندە ۇكىمەت قۇرىلىس الاڭىن انىقتاۋعا جاقىن. قۇرىلىس الاڭى رەسمي تۇردە انىقتالعاننان كەيىن قۇرىلىستىڭ «ۆەندورىن» انىقتاۋ ءراسىمى اياقتالادى. ساراپشىلار توبى تۇركيا، ۆەنگريا، فرانسيا، وڭتۇستىك كورەيا، قىتايدا جۇمىس ىستەپ تۇرعان جانە سالىنىپ جاتقان الاڭدارعا بارىپ، جاساعان ۇلكەن جۇمىسىنا سۇيەنەمىز»، - دەدى الماسادام ساتقاليەۆ اقوردادا ب ا ق وكىلدەرىنىڭ ساۋالىنا وراي.
ونىڭ اتاپ وتۋىنشە، قۇرىلىس بارىسىندا بىرنەشە ەل تاجىريبەلەرىن بولىسەتىن بولادى.
«ءبىزدىڭ وسى الاڭداردى ارالاۋ بارىسىندا قۇرىلىستى حالىقارالىق كونسورتسيۋم تۇرىندە جۇزەگە اسىرۋ كەرەك ەكەنىن انىقتادىق. ياعني، بۇكىل ستانسانى ءبىر ەل عانا سالمايدى. ءبىز ەڭ جاقسى تەحنولوگيانى الامىز. ەگەر يادرولىق ارال تۋرالى ايتاتىن بولساق، رەسەي، كورەيا، فرانسيا ەڭ ءتيىمدى تەحنولوگيانى ۇسىنا الادى. ەگەر ەنەرگەتيكالىق جابدىقتار تۋرالى ايتاتىن بولساق، وندا ەلەكتر ەنەرگياسىن وندىرۋمەن بايلانىستى «General electric» جانە كورەي وندىرۋشىلەرىنىڭ ەڭ جاقسى تەحنولوگيالارىن كورىپ وتىرمىز. ەگەر ءبىز وتە ماڭىزدى بولىگىن، ياعني كومەكشى جابدىقتار - اۆتوماتيكا، ەسەپكە الۋ جۇيەلەرى، سورعى جابدىقتارى تۋرالى ايتار بولساق، وندا كوپتەگەن ءوندىرۋشى بار. ولار نەگىزىنەن فرانتسيا، گەرمانيا سىندى ەۋروپا ەلدەرىندە شوعىرلانعان»، - دەدى ول.
ايتا كەتەيىك، قازىرگى ۋاقىتتا اقوردادا مەملەكەت باسشىسى قاسىم-جومارت توقايەۆ پەن تۇرىكمەنستان پرەزيدەنتى سەردار بەردىمۇحامەدوۆ كەزدەسۋ وتكىزىپ جاتىر.