«قازىرگى جاعدايدا قالىپتاسقان ساۋدا- ەكونوميكالىق بايلانىستاردى ساقتاۋ اسا ماڭىزدى. وسى ماقساتتا ورتالىق ازيا ەلدەرى مەن رەسەي فەدەراتسياسىنىڭ ەكونوميكالىق ىنتىماقتاستىعىنىڭ جاڭا مودەلىن ازىرلەۋ مەن قابىلداۋ ۇسىنىلادى»، - دەدى پرەزيدەنت.
قازاقستان پرەزيدەنتى شاعىن جانە ورتا بيزنەستى قولداۋ شارالارىنا، ەنەرگەتيكا، ونەركاسىپ، كولىك- لوگيستيكا، اۋىل شارۋاشىلىعى سالالارىنداعى بىرلەسكەن جوبالاردى قولعا الۋعا ەرەكشە نازار اۋدارۋ قاجەتتىگىن ايتتى.
«بۇل رەتتە ساۋدا كەدەرگىلەرىن جويۋ جانە پروتەكسيونيستىك شارالارعا جول بەرمەۋ ماڭىزدى. بىزگە ءوڭىر ىشىندەگى ساۋدا- ساتتىقتى دامىتۋعا باعىتتالعان كۇش- جىگەردى جانداندىرۋ قاجەت. بۇل جەردە تاۋار اينالىمىنىڭ قۇرىلىمىن جاقسارتۋعا جانە ونىڭ نومەنكلاتۋراسىن كەڭەيتۋگە ءمان بەرگەن ءجون»، - دەدى قاسىم- جومارت توقايەۆ.
ايتا كەتەيىك، ەلوردادا «ورتالىق ازيا- رەسەي» ءسامميتى باستالدى.
جوعارى دەڭگەيدەگى كەزدەسۋگە قازاقستان، قىرعىزستان، وزبەكستان، تاجىكستان، تۇرىكمەنستان جانە رەسەي پرەزيدەنتتەرى قاتىسۋدا، ولار التىجاقتى فورماتتاعى ىنتىماقتاستىقتىڭ كەلەشەگىن تالقىلاپ جاتىر.
بۇعان دەيىن مەملەكەت باسشىسى ورتالىق ازيانىڭ جەكەلەگەن ەلدەرىندەگى شەكارا ماسەلەسىنە پىكىر بىلدىرگەن ەدى.
سونىمەن بىرگە، ق. توقايەۆ ورتالىق ازيا ەلدەرى مەن حالىقتارىنىڭ نەگىزگى مۇددەلەرىنە سۇيەنە وتىرىپ، جاڭا قاۋىپتەردىڭ الدىن الۋ جانە ولارعا ۋاقتىلى جاۋاپ قاتۋ ءۇشىن پارمەندى قۇرالداردى ازىرلەۋ قاجەتتىگىن ايتتى.