«مەملەكەتتەرىمىز ءۇشىن ءالى دە سىن- قاتەر ساقتالىپ وتىرعان اۋعانستانداعى جاعدايعا ەرەكشە نازار اۋدارۋ كەرەك. ءبىر قاراعاندا ۇيرەنشىكتى بوپ كورىنگەن ماسەلەلەردەن بولەك، ەكسترەميستىك يدەولوگيانىڭ كەلۋى، سودىرلاردىڭ ءبىزدىڭ ايماققا دەسترۋكتيۆتى ەلەمەنتتەردى جاسىرىن ينفيلتراتسيالاۋى سياقتى جاڭا قيىندىقتار تۋىنداپ وتىر. سوندىقتان، ءبىز وسىنداي قاتەرلەردى ۋاقىتىلى انىقتاپ، الدىن الۋ ءۇشىن ارنايى قىزمەت جەلىسى بويىنشا بايلانىستى جانداندىرۋىمىز قاجەت دەپ ەسەپتەيمىن»، - دەدى قاسىم- جومارت توقايەۆ.
ايتا كەتەيىك، ەلوردادا «ورتالىق ازيا- رەسەي» ءسامميتى باستالدى. جوعارى دەڭگەيدەگى كەزدەسۋگە قازاقستان، قىرعىزستان، وزبەكستان، تاجىكستان، تۇرىكمەنستان جانە رەسەي پرەزيدەنتتەرى قاتىسۋدا. ولار التىجاقتى فورماتتاعى ىنتىماقتاستىقتىڭ كەلەشەگىن تالقىلاپ جاتىر.
بۇعان دەيىن مەملەكەت باسشىسى ورتالىق ازيانىڭ جەكەلەگەن ەلدەرىندەگى شەكارا ماسەلەسىنە پىكىر بىلدىرگەن ەدى.
سونىمەن بىرگە، ق. توقايەۆ ورتالىق ازيا ەلدەرى مەن حالىقتارىنىڭ نەگىزگى مۇددەلەرىنە سۇيەنە وتىرىپ، جاڭا قاۋىپتەردىڭ الدىن الۋ جانە ولارعا ۋاقتىلى جاۋاپ قاتۋ ءۇشىن پارمەندى قۇرالداردى ازىرلەۋ قاجەتتىگىن ايتتى.