«ءبىز وسى ماڭىزدى سالاعا نازار اۋدارىپ، ونى جاڭا ساپالى مازمۇنمەن جان- جاقتى تولتىرۋىمىز كەرەك. نەگىزگى بەلگى ءبىزدىڭ دوستىعىمىزدىڭ، تاتۋ كورشىلىگىمىزدىڭ جانە ستراتەگيالىق ارىپتەستىگىمىزدىڭ مىزعىماستىعى بولۋعا ءتيىس. ءبىز حالىقتارىمىزدىڭ اراسىن الشاقتاتۋ ارەكەتتەرىنە ءتيىمدى قارسى تۇرۋىمىز كەرەك. تاريحي جانە مادەني قۇندىلىقتارىمىزدىڭ مىزعىماستىعىن قامتاماسىز ەتۋگە مۇمكىندىك بەرەتىن بىرلەسكەن شارالار كەشەنىن ۋاقتىلى قابىلداۋىمىز قاجەت»، - دەدى مەملەكەت باسشىسى «ورتالىق ازيا - رەسەي» سامميتىندە.
پرەزيدەنت ورتالىق ازيا ەلدەرى مەن رەسەي جاستارىنىڭ اراسىنداعى بايلانىستى ءبىلىم جوبالارى ارقىلى جەتىلدىرۋگە بولاتىنىن ەسكە سالدى.
«جاستار اراسىنداعى بايلانىستى نىعايتۋ، ءبىلىم بەرۋ سالاسىنداعى ىنتىماقتاستىقتى كەڭەيتۋ - وزەكتى مىندەت»، - دەدى قازاقستان باسشىسى.
ايتا، كەتەيىك سامميتكە قازاقستان، قىرعىزستان، وزبەكستان، تاجىكستان، تۇرىكمەنستان جانە رەسەي پرەزيدەنتتەرى كەلدى، ولار التىجاقتى فورماتتاعى ىنتىماقتاستىقتىڭ كەلەشەگىن تالقىلاپ جاتىر.