«الەمدىك تاريحتىڭ قازىرگىدەي قيىن كەزەڭىندە بىزگە بولاشاقتىڭ ايقىن جانە پوزيتيۆتى وبرازىنىڭ بولۋى بۇرىنعىدان دا ماڭىزدى. ءبىزدىڭ ءارى قارايعى ىنتىماقتاستىعىمىز تۋرالى ءوز كوزقاراسىمدى تومەندەگى نەگىزگى باعىتتار ارقىلى ۇسىنعىم كەلەدى. ءبىرىنشىسى - قاۋىپسىزدىك. تاعدىردىڭ ءوزى ءبىزدىڭ ەلدەرىمىزگە بىرگە بولۋدى جازعان. ءبىز ورتاق تاريحىمىزدى قورعاپ، حالقىمىزدىڭ ءال- اۋقاتى ءۇشىن ءبىرىڭعاي بولاشاق قۇرۋىمىز كەرەك. ءبىزدىڭ مەملەكەتتەرىمىزدىڭ ءارقايسىسىنداعى تۇراقتىلىق پەن قاۋىپسىزدىك تۇتاس ايماقتىڭ دامۋىنا تىكەلەي اسەر ەتەدى»، - دەدى قاسىم- جومارت توقايەۆ.
ءوز سوزىندە پرەزيدەنت ورتالىق ازيا ەلدەرى مەن حالىقتارىنىڭ نەگىزگى مۇددەلەرىنە سۇيەنە وتىرىپ، جاڭا قاۋىپتەردىڭ الدىن الۋ جانە ولارعا ۋاقتىلى جاۋاپ قاتۋ ءۇشىن پارمەندى قۇرالداردى ازىرلەۋ قاجەتتىگىن ايتتى.
«قازىر ءبىز قاۋىپسىزدىك ماسەلەلەرىن ءداستۇرلى تۇردە ەكىجاقتى فورماتتا دا، ۇ ق ش ۇ، ش ى ۇ، ا و س ش ك جانە ت م د شەڭبەرىندە دە كوتەرىپ كەلەمىز. ورتالىق ازيا مەملەكەتتەرى باسشىلارىنىڭ كونسۋلتاتيۆتىك كەزدەسۋلەرىندە ۇجىمدىق پىكىر الماسۋلار وتەدى. سونىمەن قاتار، الەمدەگى جاعداي جىلدام وزگەرىپ وتىر جانە ءوزارا ءىس- ارەكەتتىڭ قازىرگى تەتىكتەرى جۇيەلى جەتىلدىرۋدى قاجەت ەتەدى. ونىڭ ايقىن مىسالدارى - ايماقتاعى جاعدايدى تۇراقسىزداندىرۋعا تىرىسۋ، قاقتىعىستاردى قوزدىرۋ ءۇشىن گيبريدتى جانە اقپاراتتىق تەحنولوگيالاردى قولدانۋ. وسىعان بايلانىستى ەلدەرىمىزدىڭ قاۋىپسىزدىك كەڭەستەرىنىڭ اپپاراتتارىنا الدىن الۋ شارالارى تەتىگىن ازىرلەۋ مەن قۇرۋ جونىندە ناقتى ۇسىنىستار ەنگىزۋدى تاپسىرۋدى ۇسىنامىن»، - دەدى مەملەكەت باسشىسى.
ايتا كەتەيىك، ەلوردادا «ورتالىق ازيا- رەسەي» ءسامميتى باستالدى . جوعارى دەڭگەيدەگى كەزدەسۋگە قازاقستان، قىرعىزستان، وزبەكستان، تاجىكستان، تۇرىكمەنستان جانە رەسەي پرەزيدەنتتەرى كەلدى، ولار التىجاقتى فورماتتاعى ىنتىماقتاستىقتىڭ كەلەشەگىن تالقىلايدى.